मागील काही दिवसांत पावसाने राज्यात धुमाकूळ घातला, मात्र गुरुवारपासून पावसाने उसंत घेतली आहे. दरम्यान मॉन्सूनचे प्रवाह कमजोर झाल्याने राज्यात सुरू असलेला पाऊस आणखी ओसरण्याचे संकेत देण्यात आले. पण आज ( 30) विदर्भात जोरदार पावसाची शक्यता वर्तविण्यात आली असून सतर्कतेचा इशारा देण्यात आला आहे. उर्वरित राज्यात तुरळक ठिकाणी हलक्या सरींचा अंदाज हवामान विभागाने दिला आहे.