Maharashtra Politics : विरोधकांना मिळालं आयतं कोलीत; राज्य सरकारच्या GR मध्ये मोठी चूक | Sakal
sakal

बोलून बातमी शोधा

Eknath Shinde, devendra Fadanvis

Maharashtra Politics : विरोधकांना मिळालं आयतं कोलीत; राज्य सरकारच्या GR मध्ये मोठी चूक

Big Mistake In Maharashtra Government GR : राज्य सरकारकडून काल जारी करण्यात आलेल्या GR मुळे नव्या वादाला तोंड फुटलं आहे.

हेही वाचा - भारतीयांनी जगाला डिजिटल पेमेंट शिकवायची आलीये वेळ...

हेही वाचा: J P Nadda : नड्डाांचा कार्यकाळ जून २०२४ पर्यंत वाढवला; भाजप कार्यकारिणीत प्रस्ताव मंजूर

राज्य सरकारच्या पर्यटन आणि सांस्कृतिक मंत्रालयाच्या GR मध्ये ही चूक झाली आहे. या चुकीमुळे विरोधकांना राज्य सरकारला धारेवर धरण्यासाठी आयतं कोलित मिळालं आहे. या चुकीवर राष्ट्रवादीचे नेते जितेंद्र आव्हाड यांनी ट्वीट केले आहे.

त्याचे झाले असे की, महाराष्ट्र राज्य हिंदी साहित्य अकादमीची फेररचना करण्यासाठी राज्य सरकारकडून काल एक जीआर जारी करण्यात आला आहे.

हेही वाचा: Team India Video : श्रीलंकेवर दमदार विजयांनंतर टीम इंडियाचा मराठी गाण्यावर डान्स

पर्यटन आणि सांस्कृतिक मंत्रालयाच्या या जीआरची सुरूवातीला हिंदी ही राष्ट्रभाषा आहे, अशी सुरूवात करण्यात आली आहे. याच एका वाक्यामुळे राज्यात पुन्हा एकदा नव्या वादाला तोंड फुटलं आहे.

कारण अद्यापपर्यंत भारत सरकारकडून कोणत्याही एका भाषेला राष्ट्रभाषेचा दर्जा दिलेला नाही. भारतात अनेकजणांचा हिंदी ही राष्ट्रभाषा असल्याचा समज आङे, मात्र, ही राष्ट्रभाषा आहे याबाबत कोणतेही अधिकृत दस्तावेज उपलब्ध नाही.

हेही वाचा: Jammu Kashmir : काश्मीर खोऱ्यात सैन्याला मोठं यश; चकमकीत दोन दहशतवादी ठार

GR मध्ये नेमकं काय?

पर्यटन आणि सांस्कृतिक मंत्रालयाकडून जारी करण्यात आलेल्या जीआरमध्ये हिंदी ही राष्ट्रभाषा असल्यामुळे हिंदी साहित्याच्या उन्नतीसाठी आणि उत्तेजनासाठी राज्यामध्ये हिंदी साहित्य अकादमीची स्थापना करण्यात आलेली आहे.

उपर्निर्दिष्ट क्र. 1 च्या शासन निर्णयान्वये नियुक्त केलेल्या महाराष्ट्र राज्य हिंदी साहित्य अकादमीवरील कार्याध्यक्ष/अशासकीय सदस्यांच्या नियुक्त्या उपर्निर्दिष्ट क्र. 2 च्या शासन निर्णयान्वये रद्द करण्यात आल्या आहेत. सदर सहमतीची पुनर्रचना करण्याची बाब शासनाच्या विचाराधीन होती, अशी प्रस्तावना देण्यात आली आहे.