नागपूर महिलांच्या बेपत्ता होण्याच्या प्रकरणांत महाराष्ट्र राज्य देशात पहिल्या क्रमांकावर आहे. राज्यातील मुंबई, पुणे, ठाणे, औरंगाबाद आणि नागपूर शहरातून सर्वाधिक महिला बेपत्ता होतात. दुसऱ्या क्रमांकावर पश्‍चिम बंगाल तर तिसऱ्या क्रमांकावर मध्यप्रदेश आहे. गेल्या चार वर्षात महाराष्ट्रातील २५ हजारांपेक्षा जास्त महिला बेपत्ता झाल्या आहेत.
महिला बेपत्ता होण्याच्या अनेक कारणांमध्ये विवाहबाह्य प्रेम संबंध हे एक महत्त्वाचे कारण आहे. विवाहबाह्य प्रेम संबंधातून संसार तुटण्याचे प्रमाण अलिकडे बरेच वाढले आहे.
उपराजधानीतून आतापर्यंत ४०२ व्यक्ती बेपत्ता झाल्या आहेत. त्यापैकी विवाहित महिला, तरूणी, शाळकरी मुलींचे प्रमाण सर्वाधिक आहे. लॉकडाऊन काळात १३१ जण बेपत्ता झाले आहेत, हे विशेष.
बेपत्ता होण्यामध्ये ७० टक्के तरूणी आणि विवाहित महिलांचा समावेश आहे. १४ ते १८ या वयोगटातील मुलींचे पळून जाण्याचे प्रमाण सर्वात जास्त आहे. अल्पवयात होणारे प्रेमसंबंध आणि अनैतिक संबंधातून प्रियकरासोबत पळून जाणाऱ्या मुलींच्या संख्येत बरीच वाढ झाली आहे. तसेच विवाहित महिलांच्या विवाहबाह्य संबंधातून अनेक संसार विस्कळीत होत आहेत.
आपल्या कुटुंबाचा, लहान मुलांचा आणि सामाजिक बदनामीचा विचार न करता विवाहित महिला दुसऱ्या विवाहित तरूणासोबत अनैतिक संबंध प्रस्थापित करतात आणि संधी मिळताच दोघेही पळून जातात. अशा अनेक घटना उपराजधानीत समोर आल्या आहेत.
सूत्रांनी दिलेल्या माहितीनुसार, नागपुरातून दरवर्षी जवळपास १२०० मुले, मुली, महिला आणि वृध्द बेपत्ता होतात. परंतु, त्यापैकी परत सापडणाऱ्यांचे प्रमाण केवळ ९ ते १० टक्के आहेत. पोलिस ठाण्यात मिसींगची तक्रार झाल्यानंतर पोलिसांवरील कामाच्या ताणमुळे मिसींग तक्रारीच्या फाईल्स अनेक दिवस पेंडींग ठेवल्या जातात.
देशातून ४ लाख महिला बेपत्ता
पोलिस विभागाच्या नोंदीनुसार आतापर्यंत देशातून ४ लाखांपेक्षा जास्त महिला बेपत्ता झाल्या आहेत. त्यांचा अद्यापही शोध लागलेला नाही. भारतातून दररोज ४०० महिला, मुली, मुले आणि वृद्ध बेपत्ता होण्याची नोंद होते. अनेक मुली देहव्यापारात ढकलल्या जातात तर मुलांचा भीक मागण्यासाठी वापर केला जातो. पाच वर्षांपूर्वी केंद्र सरकारने ‘ऑपरेशन स्माईल’ राबविले होते. त्यावेळी बेपत्ता झालेल्यापैकी ६० टक्के व्यक्तींना शोधण्यात यश आले होते.
संपादन - स्वाती हुद्दार
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.