महाराष्ट्रातील हजारो तरुणांची प्रतीक्षा अखेर संपली आहे. मंगळवार, 12 ऑगस्ट 2025 रोजी झालेल्या राज्य मंत्रिमंडळाच्या बैठकीत तब्बल 15,000 पोलीस पदांच्या भरतीला मंजुरी देण्यात आली आहे. गेल्या काही महिन्यांपासून रखडलेली ही भरती प्रक्रिया आता वेग घेणार आहे. या निर्णयामुळे राज्यातील बेरोजगार तरुणांना मोठी संधी उपलब्ध होणार आहे. मुख्यमंत्री देवेंद्र फडणवीस यांनी याबाबत विधानसभेच्या अधिवेशनात माहिती देताना या भरती प्रक्रियेला गती देण्याचे आश्वासन दिले होते, आणि आता हा निर्णय प्रत्यक्षात येत आहे.
