Maharashtra Politics: 'गद्दार ते गद्दारच शेवटी', भाजप नेत्याच्या पोस्टमुळे खळबळ' जागा वाटपापूर्वीच युतीत बिघाड

लोकसभा निवडणुकीमुळे राज्यातील राजकीय घडामोडींना प्रचंड वेग
Maharashtra Politics
Maharashtra Politics

आगामी लोकसभा निवडणुकीमुळे राज्यातील राजकीय घडामोडींना प्रचंड वेग आला आहे. काँग्रेस, राष्ट्रवादी काँग्रेस आणि शिवसेनेच्या ठाकरे गटाने आपण आगामी लोकसभा आणि विधानसभा निवडणूक एकत्र लढवणार असल्याचं जाहीर केलं आहे. पण युतीच्या सरकारमधील वाद चव्हाट्यावर आले आहेत.

नाशिक लोकसभेच्या जागेवरून भाजप आणि शिवसेनेत रस्सीखेच सुरू असल्याचे पाहायला मिळत आहे. नाशिकमधून लोकसभा निवडणूक लढवण्यासाठी इच्छूक असलेल्या भाजप पदाधिकाऱ्याकडून शिवसेनेच्या विद्यमान खासदारांवर जोरदार टीका करण्यात आली आहे. सोशल मीडियावर करण्यात आलेल्या पोस्टमधून भाजप इच्छूकानं शिवसेनेच्या विद्यमान खासदारांवर जोरदार निशाणा साधला आहे.

Maharashtra Politics
Lok Sabha 2024: सेना-भाजपचं ठरलं! शिवसेनेची जागा शिवसेनाच लढवणार; खासदार श्रीकांत शिंदेंची माहिती

या पोस्टमध्ये शिवसेनेच्या खासदारांचा उल्लेख गद्दार असा करण्यात आला आहे. त्यामुळे आता या टीकेनंतर नाशिक लोकसभेच्या जागेवरून निवडणुकीपूर्वीच शिवसेना आणि भाजपात वादाची ठिणगी पडण्याची शक्यता वर्तवली जात आहे.

मात्र, ही पोस्ट आता डिलीट करण्यात आली आहे.

तर मविआमध्ये ज्येष्ठ नेत्यांना टेन्शन

काँग्रेस, राष्ट्रवादी काँग्रेस आणि शिवसेनेच्या ठाकरे गटाने आपण आगामी लोकसभा आणि विधानसभा निवडणूक एकत्र लढवणार असल्याचं जाहीर तर केलं. पण जागा वाटप करण्याचं मोठं आव्हान महाविकास आघाडीच्या नेत्यांसमोर कायम आहे.

Maharashtra Politics
Cabinet Expansion : १९ जूनच्या आधी होणार मंत्रिमंडळ विस्तार?, नव्या चेहऱ्यांना भाजप देणार संधी

गेल्या काही काळात महाविकास आघाडीच्या नेत्यांनी केलेल्या विविध वक्तव्यांमुळे संभ्रमाचं वातावरण निर्माण झालं होतं. 17 मे रोजी राष्ट्रवादी काँग्रेसच्या कोअर कमिटीच्या बैठकीत अध्यक्ष शरद पवार यांनीही निवडणुकीच्या कामाला लागण्याचे आदेश नेत्यांना दिले आहेत. तसंच विधानसभेच्या क्रमांक दोनच्या जागांवर लक्ष केंद्रीत करा असाही आदेश त्यांनी दिल्याचे समजते.

2019 विधानसभा निवडणुकीत 40 हून अधिक जागांवर राष्ट्रवादी काँग्रेसला दुसऱ्या क्रमांकाची मतं आहेत. महत्त्वाचं म्हणजे या मतदारसंघात मुख्य लढत शिवसेनेसोबत झाल्याचं दिसून येतं.

Maharashtra Politics
Ajit Pawar: राष्ट्रवादीचा नवा फंडा! विधानसभेत 'या' नेत्यांना देणार उमेदवारी; अजित पवारांनी स्पष्टच सांगितलं

2019 मध्ये विधानसभा निवडणुकीच्या निकालानंतर महाविकास आघाडी स्थापन झाली. शिवसेनेने काँग्रेस आणि राष्ट्रवादी काँग्रेससोबत आघाडी करत महाविकास आघाडीचं सरकार सत्तेत आलं.

अडीच वर्षं मविआची सत्ता होती. पण प्रत्यक्षात एकत्र निवडणूक लढवताना या तीन पक्षांसमोर अनेक आव्हानं आहेत.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com