Dark clouds over the Western Ghats
esakal
राज्यात मान्सून पुन्हा सक्रिय झाला असून कोकण, मध्य महाराष्ट्राच्या घाटमाथा आणि विदर्भात पावसाच्या हलक्या ते जोरदार सरींनी हजेरी लावली आहे. दरम्यान राज्यात पावसाचा जोर आज (ता. २० जुलै) कमी होण्याची शक्यता हवामान विभागाने वर्तविली आहे. मात्र पुणे आणि सातारा जिल्ह्याच्या घाटमाथ्यावर जोरदार सरींची शक्यता असल्याने सतर्कतेचा येलो अलर्ट जारी करण्यात आला आहे. उर्वरित राज्यात तुरळक ठिकाणी विजांच्या कडकडाटासह हलक्या पावसाची शक्यता आहे.
