Corona Updates: पुणे : कोरोनाच्या दुसऱ्या लाटेने राज्यात विक्राळ रुप घ्यायला सुरवात केल्याचे चित्र निर्माण होऊ लागले आहे. सोमवारी (ता.१५) कोरोना रुग्णांच्या संख्येत मोठी वाढ झाल्याचे दिसून आले. दिवसभरात सुमारे १५,०५१ नवे कोरोना रुग्ण आढळून आले आहेत. त्यामुळे एकूण रुग्णांची संख्या आता २३,२९,४६४ वर पोहोचली आहे, अशी माहिती आरोग्य विभागातर्फे देण्यात आली आहे.
कोरोनामुळे गेल्या २४ तासांत एकूण ४८ जणांचा मृत्यू झाला असून एकूण मृतांची संख्या ५२,९०९ वर पोचली आहे. तसेच दिवसभरात १०,६७१ जणांना घरी पाठवण्यात आलं आहे. त्यामुळे आतापर्यंत एकूण २१,४४,७४३ रुग्ण बरे होऊन घरी परतले आहेत. सध्या राज्यात एकूण १,३०,५४७ एवढी अॅक्टीव्ह रुग्णांची संख्या आहे.
दरम्यान, राज्यातील रुग्ण बरे होण्याचे प्रमाण आता ९२.०७ टक्के झाले आहे. सध्या ६,२३,१२१ कोरोना बाधित सध्या होम क्वॉरंटाइन असून ६११४ बाधित रुग्णांना संस्थात्मक क्वॉरंटाइन करण्यात आलं आहे.
सर्वाधिक रुग्ण पुण्यात
दरम्यान, राज्यात सर्वाधिक अॅक्टिव्ह रुग्ण हे पुण्यात असून ही संख्या २६,४६८ इतकी आहे. त्यानंतर मुंबईत १३,३०९ अॅक्टिव्ह रुग्ण आहेत. मुंबईमध्येही दिवसभरात १७१२ जणांना कोरोनाची लागण झाली असल्याची माहिती मिळत आहे. कोरोनाचे संक्रमण झालेल्या ९० टक्के नव्या केसेस या मोठ्या इमारतींमध्ये आढळून आल्या आहेत. त्यामुळे सार्वजनिक ठिकाणे तसेच गर्दीच्या ठिकाणी जाताना अधिक खबरदारी घ्या, असे आवाहन आरोग्यमंत्री राजेश टोपे यांनी केलं आहे.
म्हात्रे पॅलेस परिसरातील सुमारे २२० इमारती सील करण्यात आल्या आहेत. राज्यात औरंगाबाद, परभणी, उस्मानाबाद, पुणे, नांदेड, ठाणे, पालघर, जळगाव, नागपूर, लातूर, धुळे, वर्धा, नाशिक या जिल्ह्यातही कोरोना रुग्णांची संख्या वाढू लागल्याने निर्बंध वाढविण्यात आले आहेत.
दरम्यान, राज्यात कोरोनाचा प्रादुर्भाव वाढला असून संसर्गाच्या प्रमाणात वाढ झाली, मात्र त्या तुलनेत मृत्युदर कमी आहे. नागरिकांनी अनावश्यक गर्दी टाळावी. वाढत्या रुग्णसंख्येवर लॉकडाउन हा पर्याय नसून निर्बंध अधिक कठोर केले जातील. राज्यातील जनतेने कोरोना नियमांचे पालन करून सहकार्य करावे, असे आवाहन आरोग्यमंत्री राजेश टोपे यांनी केलं आहे.
- राज्यभरातील बातम्या वाचण्यासाठी येथे ► क्लिक करा
(Edited by: Ashish N. Kadam)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.