Unseasonal Rain: राज्यात पुन्हा अवकाळीचा इशारा; शेतकऱ्यांची चिंता वाढली; १७ ते २० मार्चदरम्यान पावसाचा अंदाज

माटेगाव : राज्यात पुन्हा अवकाळी पावसाचा इशारा देण्यात आल्याने शेतकऱ्यांची चिंता वाढली आहे. हवामान विभागाने १७ ते २० मार्चदरम्यान राज्यातील काही भागांत विजांच्या कडकडाटासह पावसाची शक्यता व्यक्त केली आहे. त्यामुळे आधीच हवामानाच्या लहरीपणामुळे त्रस्त असलेल्या शेतकऱ्यांचा जीव पुन्हा टांगणीला लागला आहे.