उर्जामंत्री राऊत यांच्याशी चर्चेनंतर वीज कर्मचाऱ्यांचा संप स्थगित

राज्यातील वीज कर्मचाऱ्यांनी आपला संप मागे घेतल्याची माहिती मिळतेय. कर्मचाऱ्यांच्या सर्व मागण्यांवर उर्जामंत्र्यांनी सकारात्मक विचार करण्याचं आश्वासन दिल्यानंतर हा संप स्थगित करण्याचा निर्णय घेण्यात आला आहे. दिवसांत पुढील कारवाई होईल. संप केल्यानं कोणत्याही कामगारावर कारवाई होणार नाही असं उर्जामंत्री नितीन राऊत यावेळी म्हणाले.

दरम्यान उर्जामंत्री नितीन राऊत यांच्याशी झालेल्या बैठकीत कर्मचाऱ्यांच्या सर्व मागण्यांवर सकारात्मक चर्चा झाल्याची माहिती मिळतेय. यावेळी कर्मचाऱ्यांना खाजगीकरण प्रक्रीया होणार नाही. ६ हायड्रोपॉवर स्टेशनच्या खाजगी कंपन्यांनांबाबत चर्चा झाली. बदली धोरणासंदर्भात एकतर्फी निर्णयावर विस्तृत निवेदन देण्यासंदर्भात देखील बातचीत झाली. तसंच चर्चा केल्याशिवाय बदली धोरण राबवणार नाही आणि कंत्राटी कामगारांना संरक्षण देण्यात येईल असं आश्वासन कामगारांना देण्यात आलं. त्यानंतर नोकर भरतीतील कंत्राटी कामगारांना देखील संरक्षण द्यावं अशी मागणी देखील कर्मचाऱ्यांनी केली आहे.