जालनाः आमदार बच्चू कडू यांनी सोमवारी सकाळी मनोज जरांगे पाटील यांची भेट घेतली. 'मी आंदोलक असून त्यापूर्वी काही तोडगा निघत असेल तर चांगलंच आहे' असं म्हणत त्यांनी जरांगे यांच्याशी चर्चा केली.
दोघांच्या चर्चेमध्ये सगेसोयरे या शब्दावरुन पुन्हा खल झाला. सगेसोयरे या शब्दाच्या चार व्याख्या तयार केल्या असून त्या सगळ्या व्याख्या प्रशासकीय बाबींमध्ये बसल्या पाहिजेत, त्यावर विचार सुरु आहे, असं यावेळी बच्चू कडू यांनी सांगितलं.
मनोज जरांगे पाटील यावेळी बोलताना म्हणाले की, सगेसोयरे या शब्दावर चर्चा झाली आहे आणि मागेल त्याला प्रमाणपत्र द्यावं, यासंदर्भात चर्चा झाली आहे. नुसती चर्चा नाही तर २० तारखेच्या आत हे सगळं करण्याची मागणी केली आहे. महाराष्ट्रातल्या मराठा समाजाची मागणी आहे की काहीही झालं तरी मुंबईला जायचं आहे म्हणजे आहे.
ज्याची नोंद मिळाली त्याच्या रक्ताच्या नातेवाईकांना, सगेसोयऱ्यांना आणि त्याच्या परिवाराला आरक्षण मिळालं पाहिजे, अशी आमची मागणी आहे. हे होईल.. नाही होईल, परंतु आम्हाला २० तारखेला मुंबईला जायचं आहेच. वेळकाढूपणा होऊ शकतो, त्यामुळे जायचं हे ठरलेलं आहे.
दरम्यान, मनोज जरांगे पाटील यांनी १९ तारखेला विशेष अधिवेशन बोलावण्याची मागणी सरकारकडे केली आहे. त्यानंतर त्यांनी आंदोलनाची रुपरेषा सांगितली. यावेळी त्यांनी प्रत्येक दिवसाचं नियोजन सांगून मराठ्यांनी मुंबईकडे कूच करण्याचं आवाहन केलं.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
