राज्यात मागील काही दिवसांपासून मराठा आरक्षणासाठी आंदोलन सुरू आहे. मराठा आंदोलक मनोज जरांगे यांनी २४ तारखेला मराठा आरक्षणाबाबत निर्णय घेण्यासाठी सरकारला दिलेला वेळ संपला आहे.
यानंतर जरांगे पुन्हा जालन्याच्या अंतरवली सराटी गावात अमरण उपोषणासाठी बसले आहेत. यानंतर राज्यभरात देखील कठोर आंदोलने केली जात आहेत. यादरम्यान उपमुख्यमंत्री अजित पवारांना बारामती तालुक्यातील माळेगाव सहकारी साखर कराखान्याच्या मोळी पूजनाला येण्यास तीव्र विरोध करण्यात येत आहेत.
माळेगाव सहकारी साखर कराखान्याच्या मोळी पूजनाला उपमुख्यमंत्री येणार आहेत. दरम्यान अजित पवार यांनी या माळेगाव सहकारी साखर कारखान्याच्या गळीत हंगामाची सुरुवात उसाची मोळी टाकून करू नये, असा इशारा मराठा क्रांती मोर्चाकडून देण्यात आला आहे.
लेखी निवेदनाद्वारे माळेगाव साखर कारखान्याचे प्रशासनाला आणि माळेगावच्या पोलीस ठाण्याला मराठी क्रांती मोर्चाने याबद्दले निवेदन देण्यात आले आहे. शनिवारी अजित पवार यांच्या हस्ते माळेगाव सहकारी साखर कारखान्याच्या गळीत हंगामाचा शुभारंभ आयोजित करण्यात आला आहे. मात्र मराठा क्रांती मोर्चाकडून आक्रमक भूमिका घेण्यात आली आहे. त्यामुळे आता उपमुख्यमंत्री अजित पवार यांना त्यांचा बालेकिल्ला बारामतीत येण्यास रोखले जाणार का हे पाहावे लागणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
