Latest Marathi News Update: झोजिला खिंडीजवळील शैतान नल्ला येथे हिमस्खलनामुळे अनेक वाहने सापडली

अंधेरी रेल्वे स्थानकात मोबाईल चोरी करणारा सराईत आरोपी अटकेतसीसीटीव्ही आणि फेस रिकग्निशन सिस्टिमच्या मदतीने आरोपीला पकडलेआरोपीकडून ७ मोबाईल जप्त, त्यात ५ आयफोनचा समावेशजप्त मोबाईलची एकूण किंमत ४ लाख ८४ हजार ५८० रुपये.उत्तर मुंबईत मनसे आणि भाजपाला मोठा धक्का बसला आहे. भाजप आणि मनसेच्या शेकडो कार्यकर्त्यांनी आज शिंदे शिवसेनेत प्रवेश केला. शिवसेना आमदार प्रकाश सुर्वे यांच्या उपस्थितीत हा पक्ष प्रवेश सोहळा पार पडला.प्रकाश सुर्वे यांनी सर्व कार्यकर्त्यांचे पक्षात जोरदार स्वागत केले. या पक्षप्रवेशामुळे उत्तर मुंबईतील राजकीय समीकरणांमध्ये हालचाल वाढली आहे..* तेलंगणातील काँग्रेस सरकारने परिवहन महामंडळ सरकारमध्ये विलीन करण्याचा ऐतिहासिक निर्णय घेतल्याचे सचिन सावंत यांचे वक्तव्य* मुख्यमंत्री रेवंथ रेड्डी यांनी जाहीरनाम्यातील आश्वासन पूर्ण केल्याचा दावा* काँग्रेस जे बोलते ते करते, भाजपा फक्त जुमलेबाजी करते, अशी टीका* तेलंगणा सरकारने कर्मचाऱ्यांच्या बहुतेक मागण्या मान्य केल्याचे सावंत यांनी सांगितले.शिरूर: प्रसूतीकळा असह्य झालेल्या एका मातेला भररस्त्यातच आज आपल्या बाळाला जन्म द्यावा लागला. रस्त्याकडेच्या पदपथावर, उन्हाचा तडाखा सुरू होण्यापूर्वीच हा प्रकार घडूनही या बाळ - बाळंतिणीच्या सुरक्षेसाठी डॉक्टर, नगरसेविका, सामाजिक कार्यकर्ते, पत्रकार, रिक्षाचालक, पोलिस व मेडिकल दुकानदारांसह परिसरातील नागरीकांनी व विशेषतः रस्त्याने जाणाऱ्या महाविद्यालयीन विद्यार्थीनी, तरूणी व महिलांनी प्रेमाचा घेराव घालीत, मायेचे पदर धरले. सुप्रिया नीतेश काळे (वय २३, रा. जोशीवाडी, शिरूर) असे रस्त्यावरच आपल्या बाळाला जन्म द्यावा लागलेल्या गरीब, अभागी मातेचे नाव असून, सरकारी रूग्णालयात दाखल करून न घेतल्याचा आरोप त्यांनी केला..छत्रपती संभाजी नगर शहराजवळील जटवाडा येथे हाय व्होल्टेज तारेला स्पर्श लागल्यामुळे ट्रक मधील जनावरांचा चारा असलेला कडबा काही क्षणात जळून खाक झाला. जटवाडा येथील हरणे पेट्रोल पंपासमोर हाय वोल्टेज तारला धक्का लागल्याने ही घटना घडली. मोठ्या ट्रक मधून पूर्ण क्षमतेने कडबा भरून घेऊन जात असताना तारेला हाय व्होल्टेज तारेला स्पर्श झाला आणि कडबा काही मिनिटात जळून खाक झाला..मांजरी आणि परिसरात ऐन उन्हाळ्यात वारंवार वीज पुरवठा खंडित होत असल्याने नागरिक त्रस्त झाले आहेत. कुठे तासन्तास, कुठे दिवसभर तर कुठे रात्रभर वीज नसल्याने नागरिकांना प्रचंड उकाडा व डासांच्या समस्येशी सामना करावा लागत आहे. तक्रार नोंदवूनही दखल घेतली जात नसल्याने नागरिकांकडून वीजवितरण कंपनी विरोधात नाराजी व राग व्यक्त केला जात आहे..ओतूरः बनकरफाटा जुन्नर मार्गावर गणपती फाट्याच्या पुढील एस कॉर्नरवर हायवाची व कारची समोरासमोर धडक होऊन झालेल्या अपघातात जुन्नरचे निवडणूक नायब तहसीलदारा गंभीर जखमी होऊन ठार झाले असून दोन महसुलाचे कर्मचारी जखमी झाले आहेत..नांदेड जिल्ह्यातील हिमायतनगर तालुक्यातील सिरंजनी मार्गावर आयशर ट्रक आणि दुचाकी यांच्यात अपघात झाला. या दुर्घटनेत दुचाकीस्वाराचा जागीच मृत्यू झाला असून आणखी एक जण जखमी झाला आहे. शासकीय धान्य घेऊन जाणारा आयशर ट्रक सिरंजनीच्या दिशेने जात असताना समोरून येणाऱ्या दुचाकीला त्याने जोरदार धडक दिली. या अपघातात 55 वर्षीय गणेश जाधव यांचा घटनास्थळीच मृत्यू झाला. दुसरा एक व्यक्ती जखमी असून त्याच्यावर शासकीय रुग्णालयात उपचार सुरू आहेत..जालन्यात वंचित बहुजन आघाडीच्या वतीने ‘शिवाजी कोण होता’ या पुस्तकाचे सामूहिक वाचन आयोजित करण्यात आले. जालना महानगरपालिकेतील महात्मा फुले यांच्या पुतळ्यासमोर हे सामूहिक वाचन पार पडले. यावेळी शिवसेना आमदार संजय गायकवाड यांना तडीपार करण्याची मागणी जालना येथील वंचित बहुजन आघाडीचे जिल्हाध्यक्ष डेव्हिड घुमारे यांनी केली..राज्याचे मुख्यमंत्री देवेंद्र फडणवीस शिरपूर विमानतळावर दाखल झाले. त्यांच्या स्वागतासाठी राज्याचे राजशिष्टाचार व पणन मंत्री आणि धुळे जिल्ह्याचे पालकमंत्री जयकुमार रावल उपस्थित होते. यावेळी वस्त्रोद्योग मंत्री संजय सावकारे, आमदार अमरिशभाई पटेल, काशिराम पावरा, राजेश पाडवी, शिरीषकुमार नाईक, अनुप अग्रवाल, राघवेंद्र पाटील, माजी संरक्षण राज्यमंत्री डॉ. सुभाष भामरे, माजी आमदार कुणाल पाटील आदी मान्यवर उपस्थित होते..पिंपरी-चिंचवड शहरातील चाकण परिसरात सराफा दुकानात धाडसी चोरीची घटना समोर आली आहे. 23 एप्रिल रोजी पहाटे सुमारे 3.24 वाजण्याच्या सुमारास तीन चोरट्यांनी आयरन कटरच्या साहाय्याने ‘खिमत ज्वेलर्स’ दुकान फोडून चोरी केली. ही संपूर्ण घटना सीसीटीव्ही कॅमेऱ्यात कैद झाली असून, आरोपींना पकडण्याचे मोठे आव्हान सध्या चाकण पोलिसांसमोर उभे आहे..नांदेड जिल्ह्यातील हिमायतनगर तालुक्यातील सिरंजनी मार्गावर आयशर ट्रक आणि दुचाकीमध्ये भीषण अपघात झाला. शासकीय धान्य घेऊन सिरंजनीकडे जात असलेल्या ट्रकने समोरून येणाऱ्या दुचाकीला जोरदार धडक दिली. या अपघातात 55 वर्षीय गणेश जाधव यांचा जागीच मृत्यू झाला, तर आणखी एक जण जखमी झाला आहे. जखमीवर सध्या शासकीय रुग्णालयात उपचार सुरू आहेत..अमरावतीतील बडनेरा रेल्वे पुलावर गेल्या एका तासापासून भीषण वाहतूक कोंडी झाली आहे. या कोंडीमुळे परिसरातील वाहतूक पूर्णपणे ठप्प झाली असून, ऐन उन्हाळ्यात प्रवाशांना मोठा त्रास सहन करावा लागत आहे. विशेष म्हणजे, घटनास्थळी एकही वाहतूक पोलीस कर्मचारी नसल्याने वाहनचालकांमध्ये संतापाचे वातावरण आहे..नंदुरबार जिल्ह्यातील खांडबाऱ्यात माकडाची कापड दुकानात एन्ट्री...दुकानात माकडाने खरेदी न करताच घेतली माघारी...माकडाचा एंट्री ने खरेदीसाठी आलेल्या ग्राहकांची एकच धावपळ....माकडाला बघून ग्राहकांची पळापळ.....माकडाचा उच्छादाची संपूर्ण घटना सीसीटीव्ही कॅमेऱ्यात कैद....लातूरच्या मुरुड येथे रुग्णाला घेऊन जाताना शासकीय ॲम्बुलन्स मध्ये तांत्रिक बिघाड झाला आणि त्यामुळे ॲम्बुलन्स रस्त्यातच बंद पडली. नागरिकांनी ॲम्बुलन्स ढकलून चालू करण्याचा प्रयत्न केला. मात्र ॲम्बुलन्स चालू होऊ शकली नाही. ॲम्बुलन्समध्ये गंभीर परिस्थितीत असणारा रुग्ण हा पुढील उपचारासाठी लातूरला हलवण्यात येत होता. मात्र रस्त्यातच ॲम्बुलन्स बंद पडल्याने खासगी ॲम्बुलन्सने रुग्णाला हाणवण्यात आल्याची माहिती आहे...मांजरीमध्ये सोसायटीतून चंदनाच्या झाडांची चोरी झाली आहे.चोरटे सीसीटीव्हीत चंदनाची झाडे घेऊन जाताना कैदपुणे सोलापूर महामार्गालगत असलेल्या एका सहकारी गृह रचना सोसायटीतून आज पहाटे साडेपाच वाजण्याच्या सुमारास दोन चंदनाच्या झाडांची चोरी झाली आहे..मराठवाड्यात सर्वात मोठे हळद खरेदी केंद्र असलेली हिंगोली जिल्ह्यातील संत नामदेव कृषी उत्पन्न बाजार समिती बंद करण्याची वेळ बाजार समिती प्रशासनावर आली आहे. व्यापाऱ्यांनी शेतकऱ्यांकडून खरेदी केलेला माल बाजार समितीच्या यार्ड मधून वेळेत उचलला नसल्याने हळद विक्री न करताच शेतकरी बाजार समिती मधून परतले आहेत. दररोज या बाजार समितीमध्ये 2500 क्विंटल हळदीची खरेदी करण्यात येते मात्र खरेदी झालेला माल व्यापारी उचलत नसल्याने पुढील चार दिवस बाजार समिती बंद ठेवण्यात आली आहे.विशेष म्हणजे गेल्या अनेक वर्षापासून बाजार समितीमध्ये रिकाम्या जागेत शेड उभारणी करण्यासाठी बाजार समिती प्रशासन लोकप्रतिनिधी मार्फत शासनाकडे निधी मागणी करत आहे मात्र लोकप्रतिनिधींनीच याकडे दुर्लक्ष केल्याने हिंगोली जिल्ह्यातील शेतकरी मेटाकुटीला आले आहेत. वर्षभर शेतात उत्पादित केलेली हळद बाजारपेठेत विक्री करणे ऐवजी आता घरीच साठवून ठेवावी लागत असल्याने खरिपाच्या पेरणी हंगामाची तयारी कशी करायची असा सवाल शेतकरी जिल्ह्यातील लोकप्रतिनिधी आणि सरकारला विचारत आहेत. दरम्यान हिंगोलीच्या बाजार समितीतून याचा आढावा घेत बातचीत केली आहे आमचे प्रतिनिधी संदीप नागरे यांनी..उत्तर प्रदेशचे मुख्यमंत्री योगी आदित्यनाथ म्हणतात, "...बंगालमध्ये, 'जय श्री राम'च्या घोषणांनी ममता दीदी अस्वस्थ होतात. हे तेच बंगाल आहे, जिथे ५०० वर्षांपूर्वी चैतन्य महाप्रभूंनी 'हरे कृष्ण, हरे राम'चा शंखनाद केला होता. आणि आज, जर तुम्ही तिथे 'जय श्री राम' म्हटले, तर ममता दीदी हातात काठी घेतात. रामभक्तांवर काठ्यांनी हल्ले केले जातात आणि तिथे उघडपणे गोहत्या केली जाते. वाळू माफिया आणि भूमाफियांचे वर्चस्व वाढले असून, ते बंगालच्या तरुणांकडून रोजगाराच्या संधी हिरावून घेत आहेत. तिथे ना मुली सुरक्षित आहेत, ना व्यापारी; 'लव्ह जिहाद' आणि 'लँड जिहाद'सारख्या घटना घडत आहेत... २०१७ पूर्वी उत्तर प्रदेशमध्ये अशीच परिस्थिती होती. सणासुदीच्या आधीच तिथे गोंधळ सुरू व्हायचा... लोक स्थलांतर करत होते; परंतु २०१७ मध्ये उत्तर प्रदेशमध्ये 'डबल इंजिन' असलेले भाजप सरकार सत्तेवर आले आणि आज तिथे कोणताही गोंधळ नसून केवळ उत्सवाचे वातावरण आहे.".महिला आरक्षण विधेयकाच्या मुद्द्यावरून भाजप महिला मोर्चाने 'जन आक्रोश मोर्चा' काढला. केंद्रीय मंत्री शोभा करंदलाजेही यावेळी उपस्थित आहेत. .राघव चढ्ढा आणि इतर खासदारांनी 'आप' (AAP) सोडून भाजपमध्ये प्रवेश केल्याच्या संदर्भात, जम्मू-काश्मीरचे मुख्यमंत्री उमर अब्दुल्ला म्हणाले, "एकही व्यक्ती स्वतःच्या बळावर निवडणूक जिंकू शकत नाही... ते साधी पंचायत निवडणूकही जिंकू शकत नाहीत... त्यांच्या भाजपमधील प्रवेशामुळे भाजपला कोणताही फायदा होणार नाही...".जालना जिल्ह्यातल्या परतुर मध्ये महाराष्ट्र इमारत व इतर कामगार मंडळाच्या लाभार्थ्यांचा संसार उपयोगी साहित्य बेकायदेशीर रित्या घेऊन जाणारा एक ट्रक स्थानिक सनियंत्रण समितीच्या दक्षतेने पकडण्यात आला. या ट्रकमध्ये बांधकाम कामगारांना मोफत दिले जाणार संसार उपयोगी साहित्य मोठ्या प्रमाणात भरून देण्यात येत होतं, याप्रकरणी चार संशयित आरोपींच्या विरोधात परतुर पोलीस ठाण्यात गुन्हा दाखल झाला असून हे साहित्य नेमकं कोणत्या ठिकाणी घेऊन जाण्यात येत होतं याचा अधिक तपास परतुर पोलिसांकडून करण्यात येत आहे, सध्या हा ट्रक परतुर पोलीस ठाण्यात जमा करण्यात आलाय..पिंपरी चिंचवड शहर परिसरात देखील सुनेत्रा पवार यांच्या विजयाचे बॅनर झळकताना दिसत आहेत. या बॅनर्समुळे नागरिकांचे लक्ष वेधले गेले असून राजकीय चर्चांना उधाण आले आहे. शहरातील विविध ठिकाणी हे बॅनर लावण्यात आले आहेत., समर्थकांकडून आधीच विजयाचा आनंद साजरा केला जात असल्याचे चित्र पाहायला मिळत आहे..पोलीस कर्मचारी अविनाश ढोणे तसेच त्याचे सहकारी पोलीस शिपाई बबलू पठाण आणि प्रशांत राठोड या तिघांना गुटखा तस्करांशी संगनमत करणे आणि त्यांच्याकडील दोन गुटख्याची पोते चोरल्याप्रकरणी निलंबनाची कारवाई. .कल्याण शीळ मार्गावर प्रचंड वाहतूक कोंडी झाली आहे. एक तासापासून वाहतूक कोंडी असल्याने वाहन चालकांना नाहक त्रास होत आहे..मराठी भाषा आणि स्थानिक अस्मितेच्या मुद्द्यावर पुन्हा एकदा महाराष्ट्र नवनिर्माण सेना आक्रमक झाल्याचे चित्र कल्याण-डोंबिवलीत दिसत आहे. मी मराठी बोलतो, मला मराठी समजते.माझ्या रिक्षात बसा अशा आशयाचे स्टिकर शहरातील रिक्षांवर लावण्याची मोहीम मनसे पदाधिकाऱ्यांनी सुरू केली आहे..बुलढाण्याचे शिवसेनेचे आमदार संजय गायकवाड यांनी शिवाजी कोण होता.? या पुस्तकाच्या प्रकाशकाला अश्लील शिवीगाळ केली व जीवे मारण्याची धमकी दिली त्यानंतर राज्यभरात आ.संजय गायकवाड हे टिकेचे धनी होत आहेत.मात्र बुलढाणा मतदारसंघातील मोताळा व बुलढाण्यातही आ. गायकवाड यांच्या कार्यकर्त्यांनी संजय गायकवाड यांच्या प्रतिमेला दुग्धाभिषेक घालत आ. संजय गायकवाड यांच्या समर्थनार्थ घोषणाबाजी केली..आंबा आणि काजू पिकाचे बागायतदारांना हेक्टरी २२ हजारांची भरपाईहवामान बदलामुळे चालू हंगामात आंबा आणि काजू पिकाचे मोठ्या प्रमाणावर नुकसान झाल्याने राज्य सरकारने बागायतदारांना हेक्टरी २२ हजार रुपये नुकसान भरपाई देण्याचा निर्णय घेतला आहे. त्याच्या अंमलबजावणीसाठी जिल्हा कृषी विभागाने बागायतदारांची माहिती संकलनाचे काम युद्धपातळीवर हाती घेतले असून, १५ मे पर्यंत सर्वेक्षण पूर्ण करण्याच्या सूचना देण्यात आल्या आहेत..सोलापूर-मुंबई विमान सेवा आठवड्यातून फक्त दोन दिवससोलापूर-मुंबई विमान सेवा आठवड्यातून फक्त दोन दिवस१ मेपासून ही सेवा फक्त मंगळवार आणि गुरुवार या दोनच दिवशी उपलब्ध राहणारहा बदल ३१ मेपर्यंत लागू राहणार.Hingoli: हिंगोली बाजार समिती बंद करण्याची प्रशासनावर वेळहिंगोली बाजार समिती बंद करण्याची प्रशासनावर वेळमराठवाड्यातील सर्वात मोठे हळद मार्केट पुढील पाच दिवस बंदबाजार समितीमध्ये जागाच उपलब्ध नसल्याने शेतकऱ्यांना विक्रीला आणलेला परत घरी घेऊन जाण्याच्या सूचनाहिंगोली ची एपीएमसी सोयीसाठी नव्हे तर शेतकऱ्यांच्या मुळावर.Pune: पुण्यात पाणीटंचाई,पाणी नसल्याने पुणेकर हैरानपुण्यातील उपनगरात पुणेकरांचे हाल..पाणी नसल्याने पुणेकर झाले हैराणगेली तीन दिवसापासून पुण्यातील पाणीपुरवठा विस्कळीत असल्याने नागरिकांची गैरसोय...पुण्यातील मध्यवर्ती भागात तीन दिवसापासून पाणीपुरवठा विस्कळीत महिलांमध्ये नाराजी....तीन दिवसापासून नळाला पाणी येत नसल्यामुळे महिलांचे हाल...गोखले नगर, वडारवाडी भागात पाण्याची मोठी टंचाई...वारजे परिसरात गोळीबार करणारे दोघेजण पोलिसांच्या ताब्यात..गोळीबारासाठी वापरलेली पिस्टल देखील पोलिसांनी केली जप्त..पूर्ववैमनस्त्यातून गोळीबार केल्या असल्याची पोलिसांची माहिती गोळीबार करणाऱ्या सहा जणांपैकी प्रीतम ठोंबरे आणि साहिल राऊत दोघांना पोलिसांनी घटनास्थळावरून घेतले ताब्यात....मुंबई पालिकेच्या एफ नॉर्थ विभागातील अधिकाऱ्याला एसीबीकडून अटक नवी मुंबईनंतर आता मुंबई महानगर पालिकेतील अधिकाऱ्याविरुद्ध कारवाई विशाल भालचंद्र वाणी असे आरोपी अधिकाऱ्याचे नाव एफ नॉर्थ विभागात दुय्यम अभियंता म्हणून कार्यरत बांधकाम साईटसाठी जल निष्कासन परवानगीसाठी १० लाखांची लाच मागणी सापळा रचून एसीबीने कारवाई केली.- अल्पवयीन विद्यार्थिनीला मारहाण केल्या प्रकरणी शिक्षिकेविरुद्ध गुन्हा दाखल, - नागपूरच्या दयानंद आर्या या शाळेतील हा प्रकार.. जरीपटका पोलीस ठाण्यात गुन्हा दाखल..- या प्रकरणात शिक्षिकेला कारणे दाखवा नोटीस बजावण्यात आली असता शिक्षिकेच्या पतीने शाळेत जाऊन दमदाटी करत मुख्याध्यापिकेला धमकी दिली...- सुमन मसंद आणि तिचा पती राधाकृष्ण मसंद असे गुन्हा दाखल करण्यात आलेल्या आरोपीचे नाव...- विदर्भात उष्णतेची लाट,अकोल्यात सर्वाधिक 45 डिग्री तापमानाची नोंद - विदर्भातील सर्व जिल्ह्यात उन्हाची तीव्रता वाढलेली असून विदर्भातील सहा जिल्ह्यात 44 अंश किंवा त्याहून अधिक तापमानाची शुक्रवारी नोंद - राज्यात सर्वाधिक तापमानाची नोंद अकोल्यात 45 डिग्री एवढी करण्यात आली - त्या खालोखाल अमरावती 44.8, वर्धा 44.4, चंद्रपूर, गडचिरोली आणि यवतमाळ मध्ये 44 अंश सेल्सिअस तापमानाची नोंद करण्यात आली - पुढील काही दिवस उष्णतेच्या लाटेचा इशारा हवामान खात्याने दिलेला आहे..दुधेबावी : महाराष्ट्र राज्य परीक्षा परिषद, पुणे यांच्याकडून यावर्षीपासून नव्याने सुरू करण्यात आलेल्या प्राथमिक इयत्ता चौथी व उच्च प्राथमिक इयत्ता सातवी शिष्यवृत्ती परीक्षा रविवारी (ता. २६) आयोजित केली आहे. फलटण शहर व तालुक्यात प्राथमिक स्तर इयत्ता चौथी शिष्यवृत्ती परीक्षेसाठी एकूण २४ केंद्रामध्ये २४०३ विद्यार्थी परीक्षा देणार आहेत, तर उच्च प्राथमिक स्तर इयत्ता सातवी शिष्यवृत्ती परीक्षेसाठी एकूण १४ केंद्रांमध्ये १२९० विद्यार्थी परीक्षा देणार आहेत, अशी माहिती गटशिक्षणाधिकारी चैनय्या मठपती यांनी दिली आहे..मुख्यमंत्री देवेंद्र फडणवीस आज त्र्यंबकेश्वर दौऱ्यावर आहेत. गोदा ते नर्मदा जलयात्रा अभियानाचा मुख्यमंत्र्यांच्या हस्ते शुभारंभ होणार आहे. जलसंपदा मंत्री राधाकृष्ण विखे पाटील आणि मंत्री छगन भुजबळ हे देखील जलयात्रेत सहभागी होणार आहेत. 29 मे रोजी ही यात्रा मध्यप्रदेशातील महेश्वरला पोहचल्यानंतर यात्रेचा समारोप होणार आहे..पुणे : गेल्या काही दिवसांपासून शहरातील हवामानात मोठे बदल होत असून पुणेकरांना कधी कडाक्याचे ऊन तर कधी पावसाचा अनुभव घ्यावा लागत आहे. शुक्रवारी शहराचा कमाल तापमानाचा पारा 40°C वर पोहोचल्याने उकाड्यात मोठी वाढ झाली होती. मात्र, सायंकाळी हलक्या सरींनी हजेरी लावल्याने वातावरणात काहीसा गारवा निर्माण झाला. दरम्यान, आज शहरात मेघगर्जना आणि विजांच्या कडकडाटासह पावसाची शक्यता Indian Meteorological Department यांनी वर्तवली आहे. त्यामुळे पुणे शहराला यलो अलर्ट जारी करण्यात आला आहे..नाशिक : महिला लैंगिक शोषण प्रकरणातील सहाव्या गुन्ह्यात अटक करण्यात आलेल्या भोंदू अशोक एकनाथ खरात (वय ६७) याला जिल्हा न्यायालयाने रविवारपर्यंत (ता. २६) पोलिस कोठडी सुनावली. दरम्यान, सुनावणीवेळी बचाव पक्षाने विशेष तपास पथकाच्या (एसआयटी) कामकाजावर प्रश्नचिन्ह उपस्थित करत कोठडीच्या मागणीला विरोध केला; तर सरकार पक्षाने प्रत्येक गुन्हा स्वतंत्र स्वरूपाचा असल्याने आणखी तपास आवश्यक असल्याचे स्पष्ट केले..नाशिक : बहुराष्ट्रीय आयटी कंपनीत महिलांवर अत्याचार व जबरदस्ती धर्मांतराच्या प्रकरणात संशयित असलेल्या चौघांना न्यायालयाने २९ एप्रिलपर्यंत पोलिस कोठडी सुनावली. शुक्रवारी (ता.२४) त्यांना न्यायालयात हजर करण्यात आले. या प्रकरणातील पाचव्या गुन्ह्याच्या चौकशीसाठी एसआयटी पथकाने गुरुवारी नाशिक रोड मध्यवर्ती कारागृहातून तौसिफ बिलाल अत्तार, दानिश एजाज शेख, शाहरुख हुसेन शौकत कुरेशी आणि रझा रफीक मेमन यांना ताब्यात घेतले..मुंबई : दोन महिन्यांपासून मदतीसाठी साकडे घालणाऱ्या कोकणातील आंबा व काजू उत्पादक शेतकऱ्यांच्या पदरी राज्य सरकारने हेक्टरी केवळ २२ हजार रुपये टाकून त्यांची थट्टा केली आहे. सरकारच्या या शेतकरीविरोधी धोरणाचा निषेध करण्यासाठी आणि हक्काची मदत मिळवण्यासाठी १५ मे रोजी गिरगाव चौपाटी ते मुख्यमंत्र्यांचे निवासस्थान असलेल्या ''वर्षा'' बंगल्यापर्यंत धडक मोर्चा काढण्यात येणार आहे..Latest Marathi Live Updates 25 April 2026 : शिवाजी कोण होता?’ या पुस्तकावरून सुरू झालेला वादंग आणि त्यासंबंधी एका व्हायरल फोन कॉलमधून प्रकाशकाला दिल्या गेलेल्या शिव्यांमुळे वातावरण तापलेले असताना पुन्हा एकदा आमदार संजय गायकवाड यांनी त्यांची भूमिका स्पष्ट करून महिलांच्या शिवीगाळ प्रकरणी दिलगिरी व्यक्त केली आहे. मात्र, पुस्तकाच्या नावामधील छत्रपती शिवरायांच्या एकेरी उल्लेखाबद्दल आक्षेप कायम असल्याचे सांगितले. याशिवाय देश-राज्यातील इतर महत्त्वाच्या घडामोडी, वाहतूक कोंडी, राजकीय हालचाली, क्रीडा, मनोरंजन आणि मान्सूनविषयक अपडेट्स यांची सविस्तर माहिती एका क्लिकवर उपलब्ध आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Latest Marathi News Update: झोजिला खिंडीजवळील शैतान नल्ला येथे हिमस्खलनामुळे अनेक वाहने सापडली

झोजिला खिंडीजवळील शैतान नल्ला येथे हिमस्खलनामुळे अनेक वाहने सापडली

Related Stories

Latest Marathi News Update : दिवसभरात काय घडलं? देशविदेशातील घडामोडी वाचा एका क्लिकवर

Latest Marathi News Update : राज्यासह देशभरात दिवसभरात काय काय घडलं? वाचा एका क्लिकवर...

Latest Marathi News Update : राज्यासह देशभरात दिवसभरात काय काय घडलं? वाचा एका क्लिकवर...