मुंबई: मंकीपॉक्स जगामध्ये झपाट्याने पसरत आहे. ही महामारी आता आफ्रिकेतून पाकिस्तानात पोहोचली आहे. दुसरीकडे, याचा मुंबई आणि पुण्यावर सर्वात मोठा धोका निर्माण झाला आहे. कारण, या दोन शहरांमध्ये परदेशातून शिक्षणासाठी येणाऱ्या विद्यार्थ्यांची संख्या मोठी आहे.
यामध्ये बहुतांश आफ्रिकन विद्यार्थ्यांचा समावेश आहे. अशा स्थितीत राज्याच्या आरोग्य विभागाने या आजाराबाबत मार्गदर्शक सूचना जारी केल्या आहेत. याशिवाय राज्यातील सर्व महापालिका, जिल्हा परिषद आणि जिल्हा शल्य चिकित्सकांना सतर्क राहण्याच्या सूचना देण्यात आल्या आहेत.
