Bhavana Gawali: "राज अन् उद्धव यांचं कधीच मिटलं असतं, पण..."; खासदार भावना गवळी काय म्हणाल्या?

Bhavana Gawali:  हिंगोली येथील सभेत उद्धव ठाकरे यांनी शिंदे गटाच्या खासदार भावना गवळी यांच्यावर निशाणा साधला होता. भावना गवळी यांनी नरेंद्र मोदी यांना राखी बांधली आणि त्यांच्यावरील ईडी कारवाई थांबली, असे ठाकरे म्हणाले होते. यावर खासदार भावना गवळी यांनी प्रत्युत्तर दिले.

उद्धव ठाकरे यांनी भावा बहिणीच्या नात्यावर स्टेटमेंट केलं आहे. त्यांना नात्याचं महत्व माहित नाही. उद्धव ठाकरे यांनी भाजपसोबत गद्दारी केली, असा घणाघात उद्धव ठाकरे यांनी केला आहे.

राजसाहेब आणि उद्धव साहेब यांचं कधीच मिटलं असतं. पण उद्धव ठाकरे यांनी कधीच निर्णय घेतला नाही. देवेंद्र फडणवीस आणि शिवसेना एकत्र लढली पण त्यावेळी देखील ठाकरेंनी निर्णय घेतला नाही. गद्दारी केली आणि युती तोडली.

उद्धव ठाकरे काय म्हणाले होते?

गेल्यावर्षीचे रक्षाबंधन तुम्हाला माहित आहे. पंतप्रधान नरेंद्र मोदी यांना राखी बांधण्याचा एकच फोटो समोर आला होता. पंतप्रधानांना राखी बांधली आणि ईडी थांबली. तिकडे हसन मुश्रीफ त्यांच्या पत्नीने रस्त्यावर येऊन टाहो फोडला होता. की कितीवेळा धाडी टाकणार आमच्यावर एकदा गोळ्या घाला आणि विषय संपवा. पण आता मुश्रीफ दादांचे बोट पकडून सत्तेत सहभागी झाले.