Navneet Rana : राजकारणापाठोपाठ नवनीत राणांची क्रिकेटच्या मैदानातही चौफेर फटकेबाजी, पहा Video

अमरावती : अमरावतीच्या खासदार नवनीत राणा या त्यांच्या वक्तव्यमुळे नेहमीच चर्चेत असतात. दरम्यान आज मात्र नवनीत राणांची राजकारणासोबत क्रिकेटच्या मैदानातही चौैफेर फटकेबाजी केल्याचं पाहायला मिळालं.

खासदार नवनीत राणा आपल्या धुवाधार विधानांमुळे नेहमी चर्चेत असतात. पण बऱ्याचदा त्या सामाजिक उपक्रमात देखील भाग घेताना पाहायला मिळतात. अशात अमरावतीतील अंबिका नगर येथे नवनीत राणा यांना क्रिक्रेट खेळण्याचा मोह आवरला नाही. त्यानी लहान मुलांसोबत क्रिकेट घेळण्याचा आनंद घेतला. तसेच यावेळी त्यांनी आणि त्यांनी क्रिकेटच्या मैदानातही चांगली फटकेबाजी केल्याचे पाहायला मिळाले.

मनसे अध्यक्ष राज ठाकरे यांनी मशिदींवर लावण्यात येणाऱ्या भोंग्यांविरोधात आक्रमक भूमिका घेतल्यानंतर नवनीत राणी आणि रवी राणा यांनी या वादात उडी घेतली होती. खासदार नवनीत राणा यांनी मातोश्री या उद्धव ठाकरे यांच्या निवसस्थानाबाहेर हनुमान चालीसा वाचणार असल्याचे जाहीर केलं. त्यानंतर शिवसेना विरूध्द राणा असा वाद राज्यात रंगला होता. यानंतर नवनीत राणा यांच्याकडून तेव्हाच्या महाविकास आघाडी सरकार विरोधात सातत्याने भूमिका घेतली होती.