मुख्यमंत्री शिंदे हे एकमेव अडाणी मंत्री - विनायक राऊत | Sakal
sakal

बोलून बातमी शोधा

Vinayak Raut

मुख्यमंत्री शिंदे हे एकमेव अडाणी मंत्री - विनायक राऊत

मुंबई : शिवसेनेचे खासदार संजय राऊतांना अटक झाल्यानंतर शिवसेनेतील विनायक राऊत यांनी मुख्यमंत्री एकनाथ शिंदे यांच्यावर टीका केली आहे. शिंदे हे राज्यातील एकमेव अडाणी मंत्री आहेत, त्यांच्या शिक्षणाचा पत्ता नाही अशा शब्दांत त्यांनी मुख्यमंत्र्यांवर निशाणा साधला आहे.

(Vinayak Raut On CM Shinde)

पुण्यातील एका उद्यानाला एकनाथ शिंदे यांचं नाव दिलं होतं. त्यानंतर त्याच्या उद्घाटनासाठी मुख्यमंत्री जाणार होते पण नावावरून वाद निर्माण झाल्यामुळे कार्यक्रम रद्द करण्यात आला असून त्यानंतर विनायक राऊतांनी हे वक्तव्य केलं आहे. "गुडघ्याला बाशिंग बांधून फिरणारे एकनाथ शिंदे हे आहेत. त्यांना शिक्षणाचा पत्ता नाही तर प्रशासन कसं चालवायचं याचं भान नाही. महाराष्ट्रातील एकमेव अडाणी मंत्री म्हणून एकनाथ शिंदे यांचा उल्लेख इतिहासात होईल." असं राऊत म्हणाले.

"ज्या उद्यानाला शिंदे यांचं नाव द्यायचं होतं, त्या उद्यानाचा प्रस्ताव पुणे महापालिकेने मंजूरच केला नाही पण फक्त एकनाथ शिंदे यांचं नाव येतय म्हणून उद्घाटनाला जाणे यापेक्षा जास्त अडाणीपणा कोणता असू शकतो." अशा शब्दांत मुख्यमंत्र्यांचा समाचार त्यांनी घेतला आहे.

दरम्यान, शिंदे हे अडाणी आहे, की काय हे त्यांना लवकरच कळेल. आता त्यांच्या पायाखालची वाळू सरकली आहे. पण कित्येक लोकं आमच्यासोबत येत आहेत. त्यांना वाटतं आम्ही महाराष्ट्रात दौरे केले म्हणजे लोकं आम्हाला डोक्यावर घेतील पण ते डोक्यावर घेतील की दुसरं कुठं घेतील हे त्यांना माहिती नाही असं प्रत्युत्तर शिंदे गटाचे प्रतोद भरत गोगावले यांनी दिलं आहे.

Web Title: Mp Vinayak Raut On Cm Shinde Non Educated Minister

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..