डिसेंबरच्या परीक्षांची जाहिराती जानेवारीत, MPSCने दिली महत्त्वाची माहिती | Sakal
sakal

बोलून बातमी शोधा

MPSC
डिसेंबरच्या परीक्षांची जाहिराती जानेवारीत, MPSCने दिली महत्त्वाची माहिती

डिसेंबरच्या परीक्षांची जाहिराती जानेवारीत, MPSCने दिली महत्त्वाची माहिती

मुंबई : महाराष्ट्र लोकसेवा आयोगाच्या (एमपीएससी) वतीने महाराष्ट्र तांत्रिक सेवा पूर्व परीक्षा २०२१ आणि पोलिस उपनिरीक्षक (पीएसआय) मर्यादित विभागीय परीक्षा २०२१ साठी डिसेंबर २०२१ मध्ये जाहिराती प्रसिद्ध झालेल्या नाहीत. याबाबत आज रविवारी (ता.दोन) एमपीएससीने ट्विट करुन माहिती दिली आहे. ट्विटमध्ये म्हटले आहे, की महाराष्ट्र तांत्रिक सेवा पूर्व परीक्षा २०२१ व पोलिस उपनिरीक्षक (PSI) मर्यादित विभागीय स्पर्धा परीक्षा २०२१ साठी डिसेंबर २०२१ मध्ये प्रस्तावित असलेल्या जाहिराती काही तांत्रिक बाबींच्या पूर्ततेअभावी अद्याप प्रसिद्ध करणे शक्य झाले नाही. सदर तांत्रिक बाबींची पूर्तता झाल्यानंतर जानेवारी महिन्याच्या पहिल्या किंवा दुसऱ्या आठवड्यात जाहिराती प्रसिद्ध करण्यात येतील, असे लोकसेवा आयोगातर्फे कळविण्यात आले आहे. (MPSC Will Publish PSi And Other Exams Advertisement In January)

हेही वाचा: MPSC विरोधात लिहाल तर...;आयोगाचा विद्यार्थांना इशारा

मात्र तांत्रिक कारण कोणते हे आयोगाच्या वतीने स्पष्ट करण्यात आलेले नाही. सध्या राज्यात परीक्षांचा गोंधळ सुरु आहे. यात परीक्षार्थी विनाकारण भरडला जात आहे. तसेच त्याच्या मानसिक आरोग्य काय परिणाम होत असेल याचा शासनाने विचार करायला हवा. परीक्षेसाठी अनेक महिन्यांपासून तरुण-तरुणी दिवस रात्र मेहनत करतात.

हेही वाचा: MPSC EXAM : कमाल वयोमर्यादा ओलांडलेल्या उमेदवारांना अर्ज सादर करण्यासाठी मुदतवाढ

मात्र असे अचानक काही बदल झाल्यावर त्यांच्या अभ्यासावर ही परिणाम होतो. आता एमपीएससीने दिलेले वेळेचे बंधन पाळणे आवश्यक आहे.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :MPSC Exam
loading image
go to top