४०० खाजगी चालकांची भरती; एसटी महामंडळाचा मोठा निर्णय

एसटी विलीनीकरणावरून गेल्या कित्येक दिवसापासून एसटी कर्मचारी संपावर आहे. अजूनही एसटी कर्मचारी कामावर परतण्यास तयार नाही. यामुळे सामान्य प्रवाशांचा हाल होत आहे. एसटी पुर्ववत करण्यासाठी एसटी महामंडळ सेवानिवृत्त चालक करारपध्दतीने भरती करणार आहे मात्र फक्त ३८९ सेवानिवृत्त चालकांनी महामंडळाकडे अर्ज केले होते. त्यातील १३६ चालकच पात्र ठरली. यावर महामंडळाने ४०० खाजगी चालकांची भरती करण्याचा निेर्णय घेतलाय.

दोन महीन्यापेक्षा जास्त कालावधी लोटूनही एसटी कर्मचारी अद्यापही कामावर परतले नाही. एसटी महामंडळात जवळपास ८७ हजार कर्मचारी आहे. त्यापैकी जवळपास ६१ हजार कर्मचारी संपावर आहे. आता महामंडळाने ४०० खाजगी चालकांची भरती केली तर संपावर असलेले एसटी कर्मचारी काय भूमिका घेतील, यावर सर्वांचे लक्ष वेधले आहे.