Chandni Chowk Bridge Demolished : पूल पडल्यानंतर चांदणी चौकातून 11 तासांनी वाहतूक सुरू

पुणे : मागील अनेक दिवसांपासून वाहतूक कोंडी होत असलेल्या चांदणी चौकातील पूल पाडल्यानंतर रविवारी सकाळी 10 वाजता वाहतूक खुली करण्यात आली. 11 तासांनी चांदणी चौकातून वाहतूक पुढं मार्गस्थ झाली. चांदणी चौकातील वाहतूक कोंडी फोडण्यासाठी चांदणी चौकातील एनडीए रस्ता - बावधन पूल पाडण्याचं नियोजन करण्यात आलं होतं. 2 ऑक्टोबर रोजी मध्यरात्री एक वाजता पूल पाडण्यात आला. दरम्यान, रात्री 1 वाजून 20 मिनिटांनी पुलाचा राडारोडा काढण्यास सुरुवात करण्यात आली. मात्र, राडारोडा कठीण असल्याने रविवारी सकाळी 8 वाजेपर्यंत तो काढणे अद्याप शक्य झाले नव्हते. त्यामुळं प्रशासनाने रविवारी सकाळी 8 वाजता महामार्गावरील वाहतूक सुरू करण्याचे दिलेले आश्वासन अपूर्ण झाले नव्हते. त्यामुळे अवजड वाहतूकीसह हलक्या वाहनाही मोठा वळसा घालून जावा लागत होता. मात्र, आता वाहतूक पुन्हा सुरू झाली आहे.

पुण्यातील चांदणी चौक परिसरातील रस्त्याची एक बाजू पूर्णपणे साफ झाली असून काही वेळातच वाहतूक सुरू होणार आहे.

पूल पाडल्यानंतर ढिगारा उचलण्याचं काम अंतिम टप्प्यात आलं असून, पुढच्या 20 मिनिटांत सगळा ढिगारा साफ होईल, अशी माहिती पुणे जिल्हाधिकारी डॉ. राजेश देशमुख यांनी दिली. यामुळं लवकरात-लवकर हा मार्ग सुरू होईल, असंही देशमुख यांनी सांगितलं.

1) मुंबईकडून सातारा, कोल्हापूर इथं जाण्यासाठी

संबंधित वाहनांनी उर्से टोल नाका येथून जुना मुंबई-पुणे महामार्ग किंवा रावेत, वाकड, बाणेर, औंध, शिवाजीनगर, डेक्कन, टिळक रस्ता, स्वारगेट मार्गे पुढे जाता येणार आहे.

2) सातारा, कोल्हापूर येथून मुंबईकडे जाणाऱ्या वाहनांनी कात्रज, स्वारगेट, टिळक रस्ता येथून किंवा धायरी, सिंहगड रस्ता, नळ स्टॉप, विधी महाविद्यालय रस्ता, सावित्रीबाई फुले पुणे विद्यापीठ चौकातून औंध, वाकड मार्गे पुढे जावे लागणार आहे.

चांदणी चौकातला पूल पाडल्यानंतर धुळीचं साम्राज्य निर्माण झालं आहे. रात्री अडीच वाजता हा पूल पाडला गेला आणि इथं मोठी धूळ पसरली आहे. आजूबाजूच्या परिसरात खिडक्या, गाड्या किंवा इतर वस्तू धुळीनं माखल्या आहेत. सकाळी आठ वाजता वाहतूक सुरू होईल, असं प्रशासनाकडून सांगण्यात आलं होतं. मात्र, अद्याप वाहतूक सुरू झालेली नाही. पूल पाडल्यानंतर इथला ढिगारा हटवण्याचं काम युद्धपातळीवर सुरू आहे.

पूल पाडल्यानंतर गेल्या सहा तासांहून अधिक काळ तिथला राडारोडा हटवण्याचं काम अद्यापही सुरूच आहे. जेसीबी आणि पोकलेनच्या मदतीनं दोन्ही बाजूंनी काम सुरु आहे. स्वतः जिल्हाधिकारी रात्रीपासून या कामावर लक्ष ठेवून आहेत. चांदणी चौकातली वाहतूक अजूनही बंदच आहे. वाहतुकीसाठी पर्यायी मार्ग देण्यात आले आहेत. ढिगारा हटवण्याचं काम काही तास सुरुच राहणार आहे. तोपर्यंत या ठिकाणची वाहतूक बंद ठेवण्यात आला आहे.

चांदणी चौकातील हा पूल पाडण्यासाठी कंट्रोल्ड ब्लास्ट पद्धतीचा वापर करण्यात आला. हा ब्लास्ट करताना लोखंडी जाळीच्या आठ लेअर लावण्यात आलेल्या होत्या. यावेळी जिओ पद्धतीच्या पांढऱ्या कापडाचा धूळ न उडण्यासाठी वापर करण्यात आला होता. पूल पडल्यानंतर दहा मिनिटातच जेसीबीच्या सहायानं राडाराडा बाजूला करण्याचं काम सुरू झालं होतं. या ब्लास्ट दरम्यान संपूर्ण पूल मात्र जमीनदोस्त झाला नाही. उर्वरित स्ट्रक्चर जेसीबीच्या सहाय्यानं पाडण्याचं काम रात्री उशिरापर्यंत सुरू होतं.