Mumbai-Nagpur Samruddhi Highway: पठ्ठ्यानं समृद्धी महामार्गावर थेट दुचाकी नेली, प्रशासनाचे दुर्लक्ष!

सिंदखेड राजा : मुंबई आणि नागपूरला जोडणाऱ्या हिंदू हृदयसम्राट बाळासाहेब ठाकरे समृद्धी महामार्गावर समृद्धी महामार्गावरून जड वाहनांसह, कार सुसाट वेगाने जात आहेत. मात्र यात नियम तोडून दुचाकी घेऊन जात असल्याचे दिसत आहेत. बुधवार (ता.१७) रोजी सकाळी ९ ते १० वाजताच्या मेहकर ते डोणगांव दरम्यान समृद्धी महामार्गावर घडली आहे.  Mumbai-Nagpur Samruddhi Highway

त्यामुळे समृद्धी महामार्गावर संबंधित विभागाचे दुर्लक्ष पाहायला मिळत आहे. समृद्धी महामार्गावर दुचाकी वाहनांचा अपघात झाल्यास जबाबदारी कोण घेणार? असा प्रश्न उपस्थित होत आहे.

समृद्धी महामार्गावर दुचाकींना परवानगी नाही. अवजड वाहने, कार वाहनांचा वेग येथे वाऱ्यासारखा आहे. त्यामुळे समृद्धी महामार्गावर दुचाकी वाहनांना परवानगी नाही परंतु दुचाकी वाहन चालकाकडून नियम मोडून दुचाकी समृद्धी महामार्गावर सुसाट चालवली जात आहे.

समृद्धी महामार्गाच्या दोन्ही बाजूला चोरटे रस्ते बंद करण्यात आले आहे. तरीसुद्धा दुचाकी समृद्धी महामार्गावर येतेच कशी? असा प्रश्न उपस्थित होत आहे. समृद्धी महामार्गावर दुचाकी सुसाट जात असल्याचा व्हिडिओ सध्या व्हायरल झाला आहे.

मेहकर ते डोणगांवच्या दरम्यान एका दुचाकीवर दोन व्यक्ती जात असल्याचा व्हिडीओ एका कार चालकांनी आपल्या मोबाईल मध्ये कैद केला असून त्या दुचाकी वाहनाला ओव्हरटेक करून सुसाट जात असल्याचे व्हिडिओमध्ये दिसत आहे.