Loud Noise and Ground Tremor in Murud
Sakal
मुरुड : मुरुड शहर व परिसरात सोमवार ता. 15 डिसेंबर रोजी रात्री 9 वाजून 58 मिनिटांनी मोठा आवाज होऊन जमिनीत भूकंप सदृश्य कंपने निर्माण झाली. भूकंपमापक यंत्रावर मात्र याची नोंद झाली नसल्याचे प्रशासनाने कळवले असले तरी आवाज कशाचा आला होता याबाबत मात्र कोणताही खुलासा करण्यात आलेला नाही. सोमवारी रात्री दहा वाजण्याच्या सुमारास मुरुड शहरासह करकट्टा माटेफळ या मुरुड जवळील गावामध्ये मोठा आवाज झाला याचबरोबर घरांमधील खिडक्या, दरवाजे हलल्याचा आवाज स्पष्टपणे ऐकू आला, त्यामुळे नागरिकांमध्ये काही काळ भीतीचे वातावरण निर्माण झाले.