Doctors Strike : राज्यातील निवासी डॉक्टर उद्यापासून बेमुदत संपावर

शैक्षणिक शुल्क माफीचे आश्वासन पूर्ण न केल्याबद्दल निर्णय
Doctors
Doctorssakal media

मुंबई : राज्य सरकारच्या (mva government) वैद्यकीय महाविद्यालये (medical college) आणि रुग्णालयांचे 5 हजारांहून अधिक निवासी डॉक्टर (Doctor), ज्यांनी कोरोनाच्या काळात रात्रंदिवस सेवा दिली आहे, ते उद्यापासून काम बंद आंदोलन म्हणजेच सामूहिक रजेवर जाणार आहेत. शासनाने शैक्षणिक शुल्क माफ (Education Fees) न केल्याने निवासी डॉक्टरांनी 1 ऑक्टोबरपासून संपावर (strike) जाण्याचा निर्णय घेतला आहे. तर, सामूहिक रजेदरम्यान, निवासी डॉक्टर कोविड वॉर्ड, आपत्कालीन वॉर्ड आणि आयसीयू वॉर्डमध्ये सेवा देत राहतील. रूग्णांना कोणत्याही समस्येला सामोरे जावे लागू नये यासाठी रुग्णालयाचे वरिष्ठ डॉक्टर त्यांची सेवा ओपीडीमध्ये देतील.

Doctors
BMC : सफाई कामगारांच्या वसाहतींच्या पुनर्विकासाला स्थायी समितीची मंजुरी

निवासी डॉक्टरांची सेवा आणि कोविड काळात झालेले शैक्षणिक नुकसान लक्षात घेऊन वैद्यकीय शिक्षणमंत्र्यांनी शुल्क माफीचे आश्वासन दिले होते. केंद्रीय मार्डचे अध्यक्ष डॉ. ज्ञानेश्वर ढोबळे म्हणाले की, वारंवार पत्रव्यवहार करुनही सरकारने फी माफीचे आश्वासन पूर्ण केले नाही. दोन दिवसांपूर्वी वैद्यकीय शिक्षण आणि संशोधन संचालनालय संचालकांसोबत मार्डची बैठकही झाली.

डॉ. ढोबळे म्हणाले की, बैठकीत अधिकारी केवळ तोंडी आश्वासने देत होते, लिखित नाही. ते म्हणाले की, लेखी आश्वासन न मिळाल्याने, सर्व निवासी डॉक्टरांनी एकमताने 1 ऑक्टोबर रोजी सकाळी 8 वाजेपासून सामूहिक रजेवर जाण्याचा निर्णय घेतला आहे. मार्ड संघटनेच्या राज्यस्तरीय बैठकीत हा निर्णय घेण्यात आला. जेणेकरून रुग्णांना कोणतीही अडचण येऊ नये, ते आपत्कालीन विभाग, आयसीयू आणि कोविड वॉर्डमध्ये कर्तव्य बजावत असताना आंदोलन करतील.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com