Video Viral : नांदेडमध्ये पोलिसांची युवकांना अर्धनग्न करून मारहाण; व्हिडीओ व्हायरल

नांदेड : महाराष्ट्रातील नांदेड जिल्ह्यात पोलिसांच्या अत्याचाराचा खळबळजनक व्हिडिओ समोर आला आहे. व्हिडिओमध्ये इस्लापूर पोलिसांचे एपीआय रघुनाथ शेवाळे चार तरुणांना अर्धनग्न अवस्थेत पट्ट्याने बेदम मारहाण करताना दिसत आहेत. (Nanded crime News in Marathi)

विश्वहिंदू परिषदेच्या म्हणण्यानुसार, पीडित तरुण बजरंग दल आणि विश्व हिंदू परिषदेचे कार्यकर्ते आहेत. त्यांचा दोष म्हणजे 1 फेब्रुवारी रोजी त्यांनी परिसरात गुरे घेऊन जाणारा ट्रक पकडला होता.

मारहाणीचा व्हिडिओ समोर आल्यानंतर विश्व हिंदू परिषदेचे पदाधिकारी किरण बिचेवार यांनी इस्लापूरचे सहायक पोलीस निरीक्षक रघुनाथ शेवाळे यांच्या विरोधात गृहमंत्री, पोलीस अधीक्षक, पोलीस महासंचालक यांच्याकडे लेखी तक्रार केली आहे. किरणा यांच्यानुसार गोरक्षकांनी कत्तलखान्यात घेऊन जाणारे वाहन अडवले होते. तसेच वाहनातील तीन गोवंशांना मुक्त केल. किनवट तालुक्यात ही घटना घडली होती.

इस्लापूर पोलिसांनी प्रकरण दडपण्याचा प्रयत्न केला, परंतु कार्यकर्त्यांनी वरिष्ठ पातळीवर तक्रार केल्याने कसायांविरुद्ध गुन्हा दाखल करणे भाग पडले. यावरून संतप्त झालेल्या इस्लापूर पोलीस ठाण्याचे सहाय्यक पोलीस निरीक्षक रघुनाथ शेवाळे यांनी गोरक्षकांना ताब्यात घेऊन भांडणाचे कारण सांगून सर्वसामान्यांसमोर अर्धनग्न अवस्थेत बेदम मारहाण केल्याचा दावा करण्यात आला आहे.