मुंबई : केंद्रीय मंत्रिमंडळामध्ये राज्यातील भाजपचे वरिष्ठ नेते नारायण राणे यांची वर्णी लागली आहे. त्यानुसार राणे यांनी बुधवारी कॅबिनेट मंत्रीपदाची शपथ घेतली तर भागवत कराड, कपिल पाटील आणि भारती पवार यांनी राज्य मंत्रीपदाची शपथ घेतली. दरम्यान, शपथविधीनंतर रात्री उशीरा नव्या मंत्रिमंडळातील सर्व मंत्र्यांची खाती जाहीर करण्यात आली.
यामध्ये नारायण राणे यांच्याकडे सूक्ष्म, लघु व मध्यम उद्योग मंत्रालयाची जबाबदारी सोपवण्यात आली आहे. त्याचबरोबर कपिल पाटील यांच्याकडे पंचायत राज (राज्यमंत्री), भागवत कराड यांच्याकडे अर्थ (राज्यमंत्री), भारती पवार यांच्याकडे आरोग्य व कुटुंब कल्याण (राज्यमंत्री) या खात्यांचा कारभार सोपवण्यात आला आहे.
नारायण राणेंनी मानले 'यांचे' आभार
नारायण राणे यांनी मंत्रिपदाची शपथ घेतल्यानंतर पत्रकारांशी संवाद साधला. यावेळी त्यांनी मंत्रीपदाची संधी दिल्याबद्दल पंतप्रधान नरेंद्र मोदी, गृहमंत्री अमित शहा, भाजप अध्यक्ष जे. पी. नड्डा आणि राज्याचे विरोधीपक्ष नेते देवेंद्र फडणवीस यांचे आभार मानले. तसेच मोदींच्या नेतृत्वात चांगले काम करण्याचा प्रयत्न करेन असंही राणे म्हणाले.
काँग्रेसला जे कळलं नाही ते भाजपला कळलं - नितेश राणे
काँग्रेसला जे बारा वर्षात कळलं नाही ते भाजपला दीड वर्षात कळलं अशी प्रतिक्रिया नितेश राणे यांनी वडील नारायण राणे यांची केंद्रीय मंत्रिमंडळात समावेश झाल्यानंतर दिली आहे. त्याचबरोबर सामान्य कार्यकर्त्यांची जाण असणारा पक्ष म्हणून जी भाजपची ओळख आहे त्यावर आज शिक्कामोर्तब झाल्याचंही ते म्हणाले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
