'नितेशला जामीन मंजूर होणार की नाही, हे सांगायला मी ज्योतिषी नाही'

Narayan Rane-Nitesh Rane
Narayan Rane-Nitesh Raneesakal
Summary

राणेंच्या मनात भीती आहे का? असा सवाल आता उपस्थित होऊ लागलाय.

कणकवली : शिवसेना (Shiv Sena) कार्यकर्ते संतोष परब (Santosh Parab) यांच्यावरील हल्ल्याप्रकरणी भाजपचे आमदार नितेश राणे (Nitesh Rane) यांच्या अटकपूर्व जामिनावर काही तासांत सुनावणी होणार आहे. यावर नारायण राणे (Narayan Rane) म्हणाले, जामीन मंजूर होणार का नाही हे सांगायला मी ज्योतिषी नाही. निकाल झाल्यानंतर जाहीरपणे बोलेन, असंही त्यांनी म्हटलंय.

त्यामुळं नेमकेपणाने राणेंच्या मनात भीती आहे काय?, असा सवाल आता उपस्थित होऊ लागलाय. जिल्हा बँक निवडणूक (District Bank Election) आणि पोलीस (Police) कारवाई यावर नजर ठेवण्यासाठी राणे जिल्ह्यात ठाण मांडून आहेत. आज ते कणकवलीतील ओम गणेश निवासस्थानावरून बाहेर पडत असताना माध्यमांनी त्यांना अनेक प्रश्न विचारले. मात्र, त्यांनी एकच उत्तर देऊन माध्यमांशी बोलणं टाळलं. अटकपूर्व जामिनासाठी न्यायालयानं अंतिम सुनावणी पटलावर ठेवण्यापूर्वी प्रलंबित निकाल जाहीर केल्याशिवाय अटकपूर्व जामीन निर्णय जाहीर केला जाणार नाही, असं सुनावलंय. काल दिवसभरात लागून राहिलेली प्रतीक्षा अजूनही ताणूनच आहे. जिल्हा व सत्र न्यायालयात (Court) आमदार नितेश राणे यांच्या अटकपूर्व जामिनासाठी अंतिम सुनावणी दुपारी तीननंतर केव्हाही होऊ शकते, त्यामुळं परिसरात वातावरण तंग आहे.

Narayan Rane-Nitesh Rane
पंतप्रधान नरेंद्र मोदींचं 'ड्रॅगन'ला प्रत्युत्तर

एकीकडं जिल्हा बँक निवडणुकीच्या मतदानाला केवळ काही तासच शिल्लक राहिले आहेत. उद्या प्रत्येक तालुक्याच्या तहसील कार्यालयामध्ये मतदान होणार आहे. याची तयारी सध्या जोरदार सुरू आहे. मतदान केंद्राबाहेर बूथ लावण्यासाठी दोन्ही पक्षाचे कार्यकर्ते नियोजन करताना दिसत आहेत. मात्र, दुसरीकडे आमदार राणे यांच्या अटकपूर्व जामिनाच्या निकालाची ही प्रतीक्षा कार्यकर्त्यांना आहे, त्यामुळं नेमकेपणानं काय होणार निकाल काय लागेल याची उत्सुकता आहे. मात्र, कणकवलीत घडलेल्या हल्ल्या प्रकरणांमध्ये स्थानिक पातळीवर तीव्र नाराजी पसरलेली आहे. अशा प्रकारामुळं बाजारपेठेवर मोठा परिणाम होत आहे, असं व्यापाऱ्यांचं म्हणणं आहे. त्यामुळं हा निकाल कोणाच्या बाजूनं लागेल किंवा न लागेल, मात्र अशा घटना यापुढं झाल्यास जनमाणसांमधील वातावरण निश्चित बिघडणार आहे. राजकीय मंडळींना आणि कार्यकर्त्यांना यापुढे सामाजिक भान ठेवूनच राजकारण करावं लागणार आहे, अन्यथा अशा घटना दूरगामी परिणाम प्रत्येकाला भोगावा लागणार आहे, अशी सध्या स्थिती आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com