कोण मारणार बाजी! नाशिक पदवीधर निवडणुकीसाठी आज मतदान

Nashik graduate constituency  elections : नाशिक पदवीधर निवडणूक सुरुवातीपासूनच राज्यात चर्चेचा विषय ठरला आहे. या निवडणूकीसाठी सत्यजीत तांबे यांनी अपक्ष उमेदवार म्हणून निवडणुक अर्ज भरला. त्यांच्या या भूमिकेनंतर त्यांना काँग्रेस पक्षाने निलंबीत केले.

नाशिक पदवीधर निवडणुकीसाठी मतदान आज पार पडणार आहे. या निवडणूकीत चुरशीची होणार हे ठरलेलच आहे. एकीकडे महाविकास आघाडीच्या उमेदवार शुभांगी पाटील यांनी जोरदार प्रचार केला असून दुसरीकडे काँग्रेसचे अपक्ष उमेदवार सत्यजीत तांबे यांनी ही मतदारांशी गाठी भेठी घेवून चांगला जनसंपर्क मतदार संघात वाढवल्याचे पाहिला मिळत आहे.

पदवीधर निवडणूकीसाठी नाशिक विभागात जवळपास २ लाख ६२ हजार ७३१ मतदार आहेत. मात्र काही पदवीधरांची नावेच मतदार यादीत नसल्याचे धांदल उडाली आहे. तर काही पदवीधरांनी नाव नोंदणी न केल्याने त्यांना पदवीधरसाठी मतदान करता येणार नाही.

दरम्यान सत्यजीत तांबे यांना भाजपने आधिकृत पाठिंबा जाहीर केला नाही मात्र. भाजपच्या स्थानिक कार्यकर्त्यांनी सत्यजीत तांबे यांना पाठिंबा देण्याचा निर्णय घेतला आहे. भाजपचे ज्येष्ठ नेते राधाकृष्ण विखे पाटलांनी काल माध्यमांशी बोलताना यासंदर्भात माहिती दिली होती.

भाजप स्थानिक कार्यकर्त्यांनी तांबे यांचे स्टेटस ठेवले होते. मात्र हा निर्णय पक्षाचा नाही. असेही विखे पाटील यांनी स्पष्ट केलं. तर महाविकास आघाडीतील तिन्ही पक्षांनी शुभांगी पाटील यांना पाठिंबा दिल्यानंतर या निवडणूकीत कोण बाजी मारणार हे निकाल लागल्यावरच स्पष्ट होईल.

नाशिक पदवीधर विभागात नाशिक, अहमदनगर, धुळे, जळगाव आणि नंदुरबार या पाच जिल्ह्यात मतदान पार पडणार आहे. नाशिक विभागात एकूण ३३८ मतदान केंद्रांवर मतदाना होणार आहे. अहमदनगर जिल्ह्यात सर्वाधिक १४७ मतदान केंद्र तर नाशिक जिल्ह्यात ९९ मतदान केंद्र आहेत.