Ajit Pawar Memes : निष्कारण दिवस फुकट गेला...; अजितदादांच्या भाजप प्रवेशाच्या चर्चांवर मीम्सचा पाऊस

Ajit Pawar Viral Memes : राष्ट्रवादीचे ज्येष्ठ नेते अजित पवार भाजपमध्ये जाणार असल्याची चर्चा मागच्या दोन दिवसांपासून सुरू होती. या पार्श्वभूमीवर आज (मंगळवार) दुपारी अजित पवार यांनी माध्यमांशी संवाद साधला.

यावेळी अजित पवार यांनी माझ्याबद्दल गैरसमज निर्माण करण्याचं काम होतंय. माझ्यासंदर्भात ज्या बातम्या दाखविण्यात येत आहेत. त्यात काहीही तथ्य नसल्याचे सांगत ‘राजकीय भूकंपा’च्या चर्चेला पूर्णविराम दिला.

यानंतर सोशल मीडियावर मीम्सचा पाऊस पडल्याचे पाहायला मिळाले. याबद्दल माध्यमांमध्ये जोरदार चर्चा सुरू होती. त्यावरून देखील नेटकऱ्यांनी मीम्स पोस्ट करत टोले लगावले आहेत

अजित पवार भाजपमध्ये जाणार असल्याची चर्चेवर नेटकऱ्यांकडून भाजपची देखील खिल्ली उडवली जात आहे.

अजित पवार आणि देवेंद्र फडणवीस यांच्या दीड दिवसांच्या सरकारची आठवण देखील नेटकऱ्यांनी काढली आहे. त्यावरू देखील मजेशीर मीम पोस्ट करण्यात आल्या आहेत.

दरम्यान अजित पवार यांची जरंडेश्वर कारखाना प्रकरणावरून चौकशी सुरू आहे, यावर देखील अमित शाह यांचा फोटो वापरून मीम करण्यात आली आहे.

नेटकऱ्यांनी भाजप नेत्यांना देखील चिमटे काढले आहेत.

या सर्व चर्चांदरम्यान महाविकास आघाडी नेत्यांच्या मनातील भावना देखील नेटकऱ्यांनी अचूक टिपल्या आहेत. आता ऑक्सीजन पण घेतो का आमचा हा मुळशी पॅटर्न चित्रपटातील डायलॉग या मीममध्ये वापरला आहे.

राजकारणात मोठ्या घडामोडी सुरु असतानाच तिथे सोशल मीडियावर वेगळी उलथापालथ सुरु होती.  मुख्यमंत्री एकनाथ शिंदेंप्रमाणे अजित पवार यांना सत्तांतर जमलं नाही अशा आशयाची मीम देखील यावेळी पाहायला मिळाली.

अजित पवार नेमकं काय निर्णय घेतात याकडे सर्वांचं लक्ष लागलं असताना आम्ही सर्वजण राष्ट्रवादी काँग्रेस पक्षाचे आहोत आणि भविष्यातही राहणार आहोत, असं त्यांनी स्पष्ट केले. याचं श्रेय बरेच जण शरद पवारांना देत आहेत.