Jitendra Awhad: बोलण्याच्या ओघात बोलून गेलो, पण वाल्मिकी रामायणमध्ये...; जितेंद्र आव्हाड स्पष्ट बोलले

मुंबई- शरद पवार गटाचे नेते जितेंद्र आव्हाड यांच्या रामाविषयीच्या वक्तव्यामुळे मोठा वाद निर्माण झाला आहे. यावरुन आज पत्रकार परिषद घेऊन आव्हाडांनी स्पष्टीकरण दिलं आहे. काल बोलण्याच्या ओघात मी बोलून गेलो. पण, वाल्मिकी रामायणमध्ये हे लिहिलं आहे, असं म्हणत त्यांनी खुलासा केला आहे.

पुराणामध्ये हे लिहिलं आहे. मी पुराव्याशिवाय बोलत नाही. पण, कुणाच्या भावना दुखावल्या असतील तर मी खेद व्यक्त करतो. आजकाल लोकांच्या भावना महत्त्वाच्या झाल्या आहेत. आमचा राम हृदयात आहे, तर त्यांचा राम बाजारात आहे. राम हा बहुजणांचा आहे. तो क्षत्रीय होतो. तो आमचा आहे, असं आव्हाड म्हणाले.

रामयण वाचा, त्यात अयोध्या कांडमध्ये ५४ व्या ओवीमध्ये याचा उल्लेख आहे. पण, लोकांच्या भावनाचा आदर करुन मी खेद व्यक्त करतो आहे. माझ्याकडचे पुरावे वाचा. हे मी लिहिलेले नाहीत. मी जे बोलतो ते अभ्यास करुन बोलतो. खटल्यांना मी घाबरत नाही. राम कदमांनी रामायण किती वाचलंय माहिती नाही, मुली उचलणाऱ्यांनी मला शिकवू नये, असं म्हणत त्यांनी टीका केली.

कधी कधी भाषण करत असताना आपण काही बोलून जातो. मी खेद व्यक्त करतो. आता का फाशी घ्यावी का? सामाजिक विषयावर भाष्य करण्याची मुभा आम्हाला पक्षाने दिली आहे. मी कधी इतिहासाचा विपर्यास करत नाही. या वक्तव्याशी पक्षाचा संबंध नाही. आम्हीही रामाला मानतो, मी राम मंदिराला जाणार आहे. पण, आमचा राम बहुजनांचा आहे. शबरीला शोधणारा आमचा राम आहे, असं आव्हाड म्हणाले.

जितेंद्र आव्हाड यांनी यावेळी रोहित पवार यांच्यावरही टीका केली आहे. रोहित पवार अजून लहान आहेत. त्यांच्या वक्तव्याला मी महत्व देत नाही, असं म्हणत त्यांनी निशाणा साधला आहे. रोहीत पवार यांनी जितेंद्र आव्हाडांच्या वक्तव्यानंतर त्यांच्यावर टीका केली होती. (Latest Marathi News)