'जो माणूस बायकोला साधी साडी'...खडसेंच्या टीकेला शहाजीबापू पाटलांचं प्रतिउत्तर

काय झाडी, काय डोंगर, काय हाटेल...या डॉयलॉगमुळे प्रसिद्ध झालेले शिंदे गटाचे आमदार शहाजीबापू पाटील यांनी एका मुलाखतीदरम्यान, गरिबीमुळे बायकोला साडी घ्यायला जमली नाही, असे म्हटले होते. हाच मुद्दा पकडत राष्ट्रवादी नेते एकनाथ खडसे यांनी शहाजीबापू पाटलांवर निशाणा साधला होता. शहाजीबापूंनी त्यांची पूर्वीची स्थिती सांगताना म्हटले होते की, त्यावेळी शरद पवारांनी माझ्याकडे लक्ष दिले नाही.

बायकोलाही साडी घ्यायला पैसे नव्हते. कदाचित गंमतीने शहाजीबापूंनी ते विधान केले असेल, किंवा उद्वेगातून केले असेल. पण आपल्या बायकोलाही साडी घेऊ शकत नसेल तर तो मर्द कसला. अशी टीका एकनाथ खडसेंनी केली होती. त्याच टीकेला आज शहाजी बापू पाटीलांनी प्रतिउत्तर दिले आहे. ते म्हणाले “एकनाथ खडसे यांना माझ्या मर्दांनगीचं वेड का लागले आहे, त्यांनी माझी मर्दांनगी तपासू नये. खडसेंनी त्यांच बघावं.

माझ्या पराभवाच्या काळातील घडलेलं दुःख मी माझ्या मित्राला सांगत होतो. आणि मी बोलून दाखवलं अन् ते व्हायरलं झालं. गणपतराव देशमुखांसारख्या नेत्याच्या विरोधात निवडणूक मी लढत होतो. त्यामुळे मला घराकडे, संसाराकडे लक्ष देता आलं नाही. असं उत्तर शिंदे गटाचे आमदार शहाजी बापू पाटील यांनी राष्ट्रवादीचे नेते एकनाथ खडसे यांना दिले आहे. तसेच “खडसेंवर असलेल्या आरोपांवर देखील भाष्य केलं ते म्हणाले घोटाळा करून संसार केला नाही. माझे हात पापाने भरलेले नाहीत." असा टोलाही खडसे यांना लगावला.