Ajit pawar vs Gopichand Padalkar: भाजप आमदार गोपीचंद पडळकर आणि राष्ट्रवादी याच्यातीव वाद पुन्हा उफाळून आला आहे. गोपीचंद पडळकर यांनी अजित पवार यांच्यासह राष्ट्रवादीवर जोरदार टीका केली आहे. ते आज सांगलीतील विटा या ठिकाणी प्रसारमाध्यमांशी बोलत होते.
या वेळी त्यांनी अजित पवार यांच्यावर जोरदार हल्लाबोल केला. यावेळी त्यांनी राष्ट्रवादी काँग्रस पक्ष नसून ती एक टोळी असल्याचा उल्लेख केला. ते म्हणाले "राष्ट्रवादीच्या स्थापने पासून पक्षाला एकच राष्ट्रीय अध्यक्ष आहेत आज पर्यंत ते बदलले नाहीत.
राष्ट्रवादीला कोणत्याही प्रकारचा अजेंडा नाही. मुळात राष्ट्रवादी हा पक्ष नसून एक टोळी आहे. हा पक्ष फुटणार नाही, तर आज ना उद्या संपेल. असा टोला लगावला.
तर अजित पवार यांनी बारामती मतदार संघातील दुष्काळी गावांकडे लक्ष द्यावे, असा सल्लाही यावेळी त्यांनी दिला. अजित पवार यांना बारामतीमधील लोक लाखाच्या फरकानं निवडून देतात. त्यामुळेच बारामती मधील ४४ गावं आजही पाण्यासाठी वणवण भटकतात.
तर अजित पवार यांनी आपल्याकडे मंत्री पदं असताना काय केले याचा एकदा विचार करावा अशी टीका पडळकर यांनी केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
