NEET Paper Leak case
esakal
नवी दिल्ली: नीट प्रश्नपत्रिका फुटीच्या मुद्द्यावर पंतप्रधान कार्यालयातील (पीएमओ) अधिकाऱ्यांच्या उपस्थितीत गुरुवारी उच्चस्तरीय बैठक पार पडली. संरक्षण मंत्री राजनाथ सिंह यांच्या निवासस्थानी झालेल्या या बैठकीत प्रश्नपत्रिका फुटीसह आगामी काळात आयोजित केल्या जाणाऱ्या फेरपरीक्षेच्या अनुषंगाने चर्चा झाली. केंद्रीय शिक्षणमंत्री धर्मेंद्र प्रधान, दूरसंचार मंत्री ज्योतिरादित्य शिंदे यांच्या पुढाकाराने आयोजित करण्यात आलेल्या या बैठकीत राष्ट्रीय चाचणी संस्थेचे प्रमुख अभिषेक सिंह यांना पाचारण करण्यात आले होते.
