Raigad News: दुग्धव्यवसायाला नवी चालना! तरुणांचा शेतकरी व पशुपालक क्षेत्रात पुढाकार

पाली (वार्ताहर) : दुधाचा व्यवसाय परवडत नसल्याने सुधागडातील अनेक शेतकऱ्यांनी या व्यवसायाकडे पाठ फिरवली होती. मात्र आता खूप शेतकरी व पशुपालक या क्षेत्राकडे वळत आहेत. विशेषतः तरुणांचा सहभाग उल्लेखनीय आहे. .स्थानिक पातळीवर दूध संकलन वाढत आहे, आणि खाजगी दुग्धजन्य पदार्थ उत्पादक व डेअरीला मोठ्या प्रमाणात दूध पुरवठा केला जात आहे. यातून रोजगाराची मोठी संधी उपलब्ध झाली आहे. तसेच ग्रामीण अर्थव्यवस्था सुधारण्यास मदत होत आहे..तालुक्यातील ७० ते ८० दुग्धउत्पादक शेतकरी व व्यावसायिक अशा प्रकारे पुरवठा करत आहेत. शिवाय नव्याने अनेकजण या व्यवसायात दाखल झाले आहेत. शेतकरी दत्ताराम कोंडे यांनी सांगितले की, दिवसाला ७० लिटर दुधाचे उत्पादन घेतो आणि खाजगी दूध संकलन केंद्राला पाठवतो. तर सखाराम राजीवडे यांनी सांगितले की रोज १५ लिटर दूध खाजगी दूध संकलन केंद्राला देतो..Mumbai Electricity: मुंबईकरांना टाटांचे मोठे गिफ्ट! ८ लाख घरात लावला हरित ऊर्जेचा दिवा .या माध्यमातून सर्व दुधाची विक्री जागेवरून होते. भाव देखील चांगला मिळतो त्यामुळे कष्ट व श्रम वाचतात आणि रोजगार देखील मिळतो. असे अनेक शेतकरी मागील दोन तीन वर्षांपासून खाजगी दूध संकलन व्यावसायिकाला दूध विकून अर्थार्जन करत आहेत. तर काही तरुण शेतकरी व दुग्ध उत्पादक अगदी नव्याने या व्यवसायात उतरले आहेत..सध्या सुधागड तालुक्यातील झाप पासून, नाडसुर, नांदगाव, सिद्धेश्वर, नेणवली आदी अनेक भागातून दररोज शेकडो लिटर दूध संकलित होत आहे. म्हशीच्या दुधाला ५० रुपये प्रति लिटर तर गायीच्या दुधाला ३५ रुपये प्रति लिटर भाव मिळत असल्याने शेतकरी समाधानी आहेत..तरुण शेतकरी दुग्ध व्यवसायात पुढेकाही वर्षांपूर्वी जे शेतकरी जमीन विकून गाडी किंवा घर बांधण्याचे स्वप्न पाहत होते, तर आता ते जमीन खरेदी करून चाऱ्याची लागवड करण्याचा विचार करत आहेत. दररोज ५०० ते ५००० रुपये कमावणारे तरुण शेतकरी या भागात उद्योजक म्हणून उभे राहत आहेत..जागतिक दूध दिनदूध हा मानवी आहाराचा एक अत्यंत महत्त्वाचा घटक आहे. दुधाचे पौष्टिक महत्त्व, दुग्धक्षेत्रात नवीन तंत्रज्ञानाचा वापर आणि दुग्धव्यवसायाचे सामाजिक-आर्थिक योगदान जागतिक स्तरावर अधोरेखित करण्यासाठी २००१ पासून जागतिक स्तरावर हा दिन साजरा केला जातो..'दख्खनची राणी' झाली ९६ वर्षांची; कसा आहे गौरवशाली प्रवास?.दुधाचे पोषणातील योगदानदूध हे संपूर्ण आहार मानले जाते, कारण त्यात अनेक आवश्यक पोषक घटक असतात. दुधात प्रथिने, कॅल्शियम, व्हिटॅमिन डी, पोटॅशियम असे पौष्टीक घटक असतात. वाढती मुले, गर्भवती स्त्रिया व वृद्धांसाठी दुधाचे सेवन अत्यंत फायदेशीर ठरते..७० ते ८० च्या दशकात सुधागड तालुक्यात दुग्ध व्यवसायाचा खूप मोठा प्रभाव होता. घरोघरी गायी-म्हशी होत्या आणि शेतकऱ्यांना आठवड्याला नियमित पैसे मिळत. पण १९९० नंतर हा व्यवसाय मंदावला होता. आता पुन्हा तरुण पिढी या व्यवसायाकडे वळत आहे. तालुक्यात जणू काही गोकुळच प्रस्थापित होत आहे असे वाटते. यामुळे अर्थव्यवस्थेला चालना तर मिळत आहेच, त्याचबरोबर पशुधन वाढतांना दिसत आहे. शासनाने हे व्यावसायिक व शेतकऱ्यांसाठी अनुदानाच्या काही योजना द्याव्यात.- हभप महेश पोंगडे महाराज, शेतकरी, वाकणगाव.सहा महिण्यापासून दूध उत्पादनाला सुरुवात केली आहे. खाजगी दूध संकलन कर्त्यांना दूध पुरवतो. व्यवसाय खूप चांगला होत आहे. स्वयंरोजगाराचा चांगला पर्याय उपलब्ध झाला आहे.- सतीश पवार, दुग्ध उत्पादक तरुण, सुधागड.सुधागड, इंदापूर, कोलाड, तळा, व कोलाड परिसरातील इतर शेतकऱ्यांकडून रोज साधारण हजार ते बाराशे लिटर दूध संकलन केले जाते. जवळपास १२५ ते १५० शेतकरी जोडले गेले आहेत. या दुधापासून शुद्ध पनीर, तूप तसेच मावा आदी पदार्थ बनवतो. लोणेरे, माणगाव ते रोहा शहर पासून खांब पर्यंत हॉटेल व डेअरीला हे पदार्थ देतो. सध्या खुप प्रमाणात भेसळयुक्त पदार्थ बाजारामध्ये आहेत. पण आम्ही नैसर्गिक शुद्ध दुग्धजन्य पदार्थ विकतो. वर्षाला आउटलेट व फॅक्ट्रीचे मिळून पावणे दोन कोटींचे उत्पन्न आहे.- प्रमोद कापसे, प्रो. प्रा. अर्जुन डेअरी अँड डेअरी प्रॉडक्ट, मुठवली, ता. रोहा.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Raigad News: दुग्धव्यवसायाला नवी चालना! तरुणांचा शेतकरी व पशुपालक क्षेत्रात पुढाकार

Related Stories