'मातोश्री' 11 बनवा; निलेश राणेंचा उद्धव ठाकरेंना खोचक सल्ला | Sakal
sakal

बोलून बातमी शोधा

Nilesh Rane

'मातोश्री' 11 बनवा; निलेश राणेंचा उद्धव ठाकरेंना खोचक सल्ला

मुंबई : राज्यातील सध्याच्या घडामोडींवर उपमुख्यमंत्री अजित पवार (AJit Pawar) यांनी आतापर्यंत भाष्य केलेले नाही. मात्र, इतर अनेक नेत्यांनी राज्यात सत्ताबदल होणार असा दावा केला आहे. मुख्यमंत्री उद्धव ठाकरे (Uddhav Thackeray) यांची पद जाणार असल्याने अनेकांनी त्यांना विविध सल्ले देण्याचे काम सुरू केले आहे. तर, अनेक नेत्यांनी शिवसेनेवर हल्लाबोल करताना दिसून येत आहे. या सर्वामध्ये राज्यात सत्ता पालट होणार का? या चर्चा रंगलेल्या असताना आता निलेश राणेंनी (Nilesh Rane) मुख्यमंत्री उद्धव ठाकरेंना ट्वीट करत एक खोचक सल्ला दिला आहे. यामध्ये मातोश्री निवास्थानाला मातोश्री 11 बनवण्याचा सल्ला दिला आहे. (Nilesh Rane Tweet News)

हेही वाचा: उद्धव ठाकरेंचा स्वभाव, कार्यपद्धतीमुळे मुख्यमंत्रीपदावर गदा?

निलेश राणे यांनी केलेल्या ट्वीटमध्ये त्यांनी म्हटले आहे की, शिवसेनेचे 11/12 आमदार शिवसेने सोबत राहतील अशी परिस्थीती आहे, पक्ष चालवणं उद्धव ठाकरेंचं काम नाही. हे 11/12 घेऊन IPL team साठी तयारी करा... मातोश्री 11 बनवा असा खोचक टोला निलेश राणे यांनी केले आहे.

तर, दुसरीकडे केंद्रीय मंत्री नारायण राणे यांनी ट्वीट करत शिवसेना नेते संजय राऊत यांच्यावर हल्लाबोल केला आहे. यामध्ये त्यांनी संजय राऊत खुश! कारण त्याला शिवसेनेला सत्तेवरून खाली खेचल्याचा व शिवसेनेला संपवल्याचा आनंद झाला असेल. कपटी, कारस्थानी व दुष्ट बुद्धीच्या माणसाची ही कटकारस्थाने असं म्हटले आहे.

'तयार राहा...'; भाजपा हायकमांडच्या सगळ्या आमदारांना सूचना

राज्यात सध्या राजकीय वादळ आलेलं आहे. या वादळाचा मोठा फटका महाविकास आघाडीला विशेषतः शिवसेनेला बसलेला आहे, हे चित्र आता स्पष्ट झालं आहे. शिवसेनेचे ज्येष्ठ नेते एकनाथ शिंदे शिवसेनेच्या ४० हून अधिक आमदारांना सोबत घेऊन बंड पुकारलं आहे. अशातच आता भाजपाने आपल्या सर्व आमदारांना तयार राहण्याच्या सूचना दिल्या आहेत.

Web Title: Nilesh Rane Tweet Suggestion To Cm Uddhav Thackeray

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top