Kolhapur Violence :'राज्यातील शांतता बिघडविण्यात पाकिस्तानचा हात', रामदास आठवलेंचे वक्तव्य चर्चेत

औरंगजेबाचे स्टेटस ठेवून त्याचे उदात्तीकरण केल्याच्या निषेधार्थ हिंदुत्ववादी संघटनांनी बुधवारी पुकारलेल्या कोल्हापूर बंदला हिंसक वळण लागले होते. संभाजी नगर, अहिल्यानगर आणि आता कोल्हापूरमध्ये अशी घटना घडलेल्याने राज्यात तणावाचे वातावरण निर्माण झालं आहे. अशातच खासदार रामदास आठवले यांनी केलेलं वक्तव्य चर्चेत आलं आहे.

राज्यातील शांतता बिघडविण्यात पाकिस्तानचा हात आहे की काय अशी शंका येत आहे. त्यामुळे अशा घटनांचा या दिशेने देखील सरकारने सखाेल तपास करावा अशी अपेक्षा रामदास आठवले यांनी पीटीआय या वृत्त संस्थेशी बाेलताना व्यक्त केली आहे.

आठवले काय म्हणाले?

कोल्हापुरमधील घटनेची सखोल चौकशी झाली पाहिजे असे मत खासदार रामदास आठवले यांनी म्हटलं आहे. परंतु राज्यात होत असलेल्या हिंसाचाराच्या घटनांमध्ये पाकिस्तानचा हात असू शकतो असेही आठवलेंनी नमूद केले. त्यादिशेने सरकारने तपास करायला हवा, असे आठवले यांनी म्हटलं आहे.

तसेच, मुस्लिम समाजाने औरंगजेबचा फोटो आणून शांतता बिघडविण्याचे काम करणे उचित नाही. जे दोषी आहेत त्यांच्यावर कठोर कारवाई करावी, अशी मागणीदेखील त्यांनी यावेळी केली.

औरंगजेबाचे स्टेटस ठेवून त्याचे उदात्तीकसंभाजी नगर, अहिल्यानगर आणि आता कोल्हापूरमध्ये रण केल्याच्या निषेधार्थ हिंदुत्ववादी संघटनांनी बुधवारी पुकारलेल्या कोल्हापूर बंदला हिंसक वळण लागले होते.

शहराच्या अनेक भागांत दगडफेक, तोडफोडीने दंगल उसळली होती. त्यात दोनशेवर वाहने, दुकाने, टपर्‍या, घरांचे नुकसान झाले. पोलिसांनी जमावाला नियंत्रणाखाली आणण्यासाठी वारंवार लाठीमार केला.

जमाव नियंत्रणात येत नसल्याने पोलिसांना अश्रुधुराच्या ३० पेक्षा अधिक नळकांड्या फोडाव्या लागल्या. सुमारे तीन तासांनी दंगल नियंत्रणात आली. दगडफेक, तोडफोडप्रकरणी ५० जणांना ताब्यात घेण्यात आले आहे.