Jan Ashirwad Yatra: पंकजा म्हणाल्या, माझी कोणतीही नाराजी नाही...

बीड: Jan Ashirwad Yatra parali: मोदी सरकारमध्ये महाराष्ट्रातील नव्याने वर्णी लागलेले चार मंत्री आजपासून राज्यात जनआशिर्वाद यात्रा सुरू करत आहेत. यामध्ये अर्थराज्यमंत्री भागवत कराड (bhagwat karad) हे बीडमधील परळीतून या यात्रेला सुरूवात करणार आहेत. मंत्री कराड यांच्या यात्रेला गोपीनाथगडावर पंकजा मुंडे हिरवा कंदील दाखवणार आहेत. मागील काही दिवसांत प्रितम मुंडेंना मंत्रीपद न मिळल्याने पंकजा मुंडे नाराज असल्याची चर्चा होती. याप्रसंगी पंकजा मुंडे यांच्या समर्थकांनी नाराजीही व्यक्त केली होती. काही सदस्यांनी राजीनामेही दिले होते. त्यावर बोलताना आज पंकजा मुंडेंनी खुलासा करत सांगितले की, 'माझी कोणतीही नाराजी नसून आम्ही सर्व मिळून काम करत आहोत.'

जनआशिर्वाद यात्रेच्या अगोदर मंत्री कराड, पंकजा मुंडे, प्रितम मुंडेंसह भाजप कार्यकर्त्यांनी वैद्यनाथ मंदिराचे दर्शन घेतले. मंदिर बंद असल्याने त्यांनी पायरीवरच आरती केली आहे. आज या जनआशिर्वाद यात्रेला पंकजा मुंडें हिरवा कंदिल दाखवणार आहेत. जनआशिर्वाद यात्रा ही देशातील १४२ मतदारसंघातून जाणार असल्याची माहितीही पंकजा मुंडे यांनी दिली.