पोलिस (Police) दलामध्ये 30 वर्षे काम केलेल्या आणि सहाय्यक पोलिस उपनिरीक्षक (Assistant Sub-Inspector of Police) पदावर तीन वर्षे काम केलेल्यांना आश्वासित प्रगती योजनेचा लाभ दिला जाणार आहे. यासंदर्भात कार्यवाही सुरु झाली आहे. यामुळे मुंबईसह (Mumbai)राज्यभरातील हजारो सहाय्यक पोलिस उपनिरीक्षक हे आता लवकरच फौजदार होणार आहेत.
आश्वासित प्रगती योजनेनुसार साखळी पदोन्नती मिळवण्यासाठी तत्कालीन पोलिस महासंचालक संजय पांडे यांनी निर्णय दोन महिन्यांपूर्वीच घेतला होता. त्यामध्ये शिपाई पदानंतरचे नाईक हे पद रद्द केल्यानंतर शिपायांना थेट हवालदार पदाची संधी देण्यात आली होती. तसेच सहाय्यक पोलिस उप निरीक्षक यांना उप निरीक्षक पदाची संधी दिली होती. सध्या या पोलिस निरीक्षकांना उप निरीक्षक पदाची संधी देण्यात आली. याबाबत पोलिस महासंचालक कार्यालयाने आदेश काढले आहेत. अंमलदार संवर्गासाठी पदोन्नतीच्या संधीत वाढ करण्यासाठी ही उपनिरीक्षक पदाची पदोन्नती सुरु करण्यात आली आहे.
या सहाय्यक पोलिस उप निरीक्षकांना पोलिस दलामध्ये 30 वर्षे सेवा पूर्ण झालेले आहेत. त्यांना या पदावरील तीन वर्षे काम पूर्ण तसेच आश्वासित प्रगती योजनेच्या लाभानुसार पोलिस उपनिरीक्षक संवर्गाच्या पदाची वेतन श्रेणी घेत असलेले असे तीन निकष पूर्ण करणाऱ्यांना सहाय्यक पोलिस उप निरीक्षक पदाची पदोन्नती देण्यात येत असल्याच्या सूचना राज्याचे अप्पर पोलिस महासंचालक संजीव कुमार सिंघल (Sanjeev Kumar Singhal) यांनी काढलेल्या आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
