मुंबई : दोन दिवसांपूर्वी ईडीनं (ED) ऊर्जा राज्यमंत्री प्राजक्त तनपुरे (Prajakta Tanpure) यांच्या राम गणेश गडकरी या साखर कारखान्यावर मालमत्ता जप्तीची कारवाई केली होती. यानंतर तनपुरे यांनी आज पहिल्यांदा यावर प्रतिक्रिया दिली आहे. (Prajakta Tanpure first reaction after ED action on his sugar factory)
"हे प्रकरणी अत्यंत नियमात धरून व्यवहार केले गेले. याची जाहिरात दिली गेली त्यानुसार, टेंडर भरलं गेलं. त्यानंतर बंद पडलेला कारखाना सुरू करण्यात आला. यातून कामगारांना न्याय मिळाला. याप्रकरणी ईडीनं माझी चौकशी केली, त्यांच्या प्रश्नांना मी उत्तर दिली. पण मला कोर्टात न्याय मिळेल. चौकशीत यापुढे काही निष्पन्न होणार नाही. पक्षाचे अध्यक्ष शरद पवार यांच्या कानावरही ही बाब घालण्यात आली आहे," असं तनपुरे यांनी म्हटलं आहे.
दरम्यान, ईडीने प्राजक्त तनपुरे यांच्या दोन जमिनी जप्त केल्या. त्या जागांची किंमत जवळपास 7 कोटी 60 लाख इतकी आहे. एकूण 13 कोटी 41 लाख रूपयांची मालमत्ता ईडीनं जप्त केली आहे. यामध्ये नागपूरमधील कारखान्याची 90 एकर जमीन आहे तर अहमदनगरमधील 4 एकर जमीनीचा समावेश आहे. तनपुरेंच्या कारखान्यावरील मालमत्ता जप्तीच्या कारवाईचा फटका काँग्रेस नेते आशिष देशमुख यांनाही बसला आहे. राम गणेश गडकरी साखर कारखान्याची नागपूरमधली 90 एकर जमीन काँग्रेस नेते आशिष देशमुख यांच्या तक्षशिला सिक्युरिटीजने खरेदी केली होती. ईडीने ही संपत्तीसुद्धा जप्त केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
