कोल्हापूर : तेलंगणमधून सोमवारी ताब्यात घेतलेल्या प्रशांत कोरटकरला आज सकाळी अटक करून दुपारी न्यायालयात हजर करण्यात आले. तेथे वकिलांच्या युक्तिवादानंतर न्यायालयाने त्याला २८ मार्चपर्यंत पोलिस कोठडी सुनावली..छत्रपती शिवाजी महाराज आणि छत्रपती संभाजी महाराज यांच्याबद्दल अपशब्द वापरणे आणि इतिहास अभ्यासक इंद्रजित सावंत यांना धमकी दिल्याप्रकरणी त्याच्या विरोधात कोल्हापुरात गुन्हा दाखल आहे. कोरटकरचे वकील सौरभ घाग यांनी व्हीसीद्वारे युक्तिवाद केला. फिर्यादी सावंत यांच्या बाजूने ॲड. असीम सरोदे यांनी, तर सरकारी वकील सूर्यकांत पवार यांनी युक्तिवाद केला. कोरटकरचे वक्तव्य दोन जातींमध्ये तेढ निर्माण करणारे असून त्याने मोबाईलमधील डेटा नष्ट करून तो पत्नीमार्फत नागपूर पोलिसांकडे जमा केला, अशी बाजू तपास अधिकाऱ्यांनी मांडली. गुन्हा दाखल झाल्यानंतर तो नागपूर, चंद्रपूरसह अन्य ठिकाणी फिरत होता. गुन्हा दाखल.झाल्यानंतर तो कोठे फिरला, त्याला कोणी आश्रय दिला, त्याने रात्री बारा वाजता कॉल केला तेव्हा त्याच्यासोबत कोण होते, कोणाच्या सांगण्यावरून त्याने कॉल केला, अशा सर्व बाबींचा तांत्रिक तपासही करायचा आहे. त्याच्या आवाजाचे नमुने घ्यायचे आहेत, त्यामुळे त्याला सात दिवस पोलिस कोठडी मिळावी, अशी विनंती पोलिसांनी केली होती. वकील सरोदे यांनीही आवाजाचे नमुने घेण्यासाठी सातपेक्षा अधिक दिवस कोठडीची आवश्यकता असल्याचा युक्तिवाद केला..मात्र, आवाजात हेरफार झाल्याची तक्रार कोरटकरने त्याचदिवशी दुपारी एक वाजता पोलिस ठाण्यात दिली होती, इंद्रजित सावंत यांनी त्यांची तक्रार संध्याकाळी सहा वाजता दिली आहे, असा युक्तिवाद कोरटकरचे वकील सौरभ घाग यांनी केला. अटक न करताही आवाजाचे नमुने घेता येतात आणि कोरटकरचे कॉल डिटेल्स पोलिसांकडे असल्याने अटकेची गरज नाही, असेही त्यांनी सांगितले. दोन्ही बाजूंचा युक्तिवाद ऐकल्यानंतर न्यायालयाने कोरटकरला तीन दिवसांची पोलिस कोठडी सुनावली..संतप्त शिवप्रेमींची निदर्शनेकोल्हापूर : प्रशांत कोरटकर याला आज न्यायालयातून बाहेर आणण्यात येत असताना त्याच्या अंगावर धावून जात हल्ल्याचा प्रयत्न झाला. त्याचवेळी त्याच्या अंगावर कोल्हापुरी चप्पल फेकण्याचाही प्रयत्न झाला. संतप्त शिवप्रेमींनी त्याच्याविरोधात जोरदार निदर्शने केली. यावेळी पोलिस आणि शिवप्रेमींमध्ये झटापट झाली. जुना राजवाडा पोलिस ठाण्याबाहेरही अनेकांनी कोल्हापुरी चप्पल दाखवत कोरटकरच्या कृत्याचा निषेध नोंदवला. तसेच वाहनाच्या दिशेने ‘चिल्लर’ उधळण्याचाही प्रकार झाला. जुना राजवाडा पोलिस ठाण्यात आणून कोरटकरवर अटकेची कारवाई करण्यात आली. ही माहिती समजल्यानंतर सकाळी दहापासूनच शिवप्रेमींनी गर्दी केली होती..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
