Pune Bypoll Election : दिग्गज नेत्यांच्या उपस्थित पुण्यात प्रचाराची रणधुमाळी

२६ फेब्रुवारीला या दोन्ही जागेसाठी मतदान पार पडणार आहे.
Pune Bypoll Election
Pune Bypoll Election

Pune Bypoll Election मुक्ता टिळक आणि लक्ष्मण जगताप यांच्या निधानामुळे कसबा आणि चिंचवड येथील विधानसभेच्या जागा रिक्त झाल्या आहे. त्यामुळे या मतदासंघाची पोटनिवडणूक जाहीर केली आहे.

त्यासाठी महाविकास आघाडी आणि भाजपाने आपले उमेदवारी जाहीर केले असून, २६ फेब्रुवारीला या दोन्ही जागेसाठी मतदान पार पडणार आहे. तर आज दिग्गज नेत्यांच्या उपस्थित पुण्यात प्रचाराची रणधुमाळी सुरु झाली आहे.

पुण्याचे पालकमंत्री चंद्रकांत पाटील, मंत्री सुधीर मुनगंटीवार यांच्यासह युवासेना प्रमुख आमदार आदित्य ठाकरे हे देखील आज पुण्यात प्रचारासाठी येणार आहेत.

Pune Bypoll Election
Pune Bypoll Election : ...तर कसबा आणि चिंचवडची पोट निवडणूक रद्द होऊ शकते; राजकीय वर्तुळात खळबळ

कसबा पोटनिवडणुकीसाठी भाजपच्या प्रचाराला सुरुवात झाली आहे. पालकमंत्री चंद्रकांत पाटील, वन मंत्री सुधीर मुनगंटीवार यांनी उपस्थिती दर्शवली आहे. पुण्यातील ओंकारेश्वर मंदिरात नारळ फोडून हेमंत रासने यांच्या प्रचाराला सुरुवात केलीय.

Pune Bypoll Election
CM Shinde Birthday : 'अनस्टॉपेबल सीएम'; शिंदेंच्या वाढदिवसाचं टाईम्स स्क्वेअरमध्ये झळकलं बॅनर

कॉंग्रेसचे कसबा पेठ मतदारसंघातील उमेदवार रविंद्र धंगेकर यांच्या प्रचाराचा शुभारंभ आज करण्यात येणार आहे. त्यांच्या प्रचारासाठी युवासेना प्रमुख आमदार आदित्य ठाकरे हे आज उपस्थितीत राहणार आहेत. तसेच कॉंग्रेसचे आमदार संग्राम थोपटे, राष्ट्रवादीचे आमदार चेतन तुपे यावेळी हजर राहणार आहेत. पुण्याची ग्रमादेवता असलेल्या तांबडी जोगेश्वरीला नमस्कार करुन साडेनऊ वाजता धंगेकरांच्या प्रचाराची सुरुवात होणार आहे.

चिंचवडमध्ये अजित पवार

चिंचवडचे राष्ट्रवादीचे उमेदवार नाना काटे यांच्या प्रसारासाठी काढण्यात येणाऱ्या पदयात्रेत विरोधी पक्षनेते अजित पवार दुपारी एक वाजता सहभागी होणार आहेत. पोटविनवडणुकीच्या निमित्तानं भाजप आणि महाविकास आघाडीनं चांगलीच कंबर कसली आहे.

Pune Bypoll Election
Live Updates: बुलेट ट्रेनला हायकोर्टाचा हिरवा कंदील

भाजप आणि महाविकास आघाडीसाठी ही निवडणूक महत्वाची मानली जात आहे. या निवडणुकीच्या निमित्तानं दिग्गजांची प्रतिष्ठा पणाला लागली आहे. भाजपकडून चिंचवडमधून अश्विनी जगताप या दिवंगत आमदार लक्ष्मण जगताप यांच्या पत्नी निवडणूक लढवत आहेत.

तर कसब्यातून भाजपकडून हेमंत रासने निवडणूक लढवत आहेत. दुसरीकडे चिंचवडमधून राष्ट्रवादी काँग्रेसचे नाना काटे निवडणूक लढवत आहेत. तर अपक्ष म्हणून राहुल कलाटे निवडणूक लढवत आहेत.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com