Sharad Mohol Attacked : कोथरुडमध्ये 'मुळशी पॅटर्न', गुंड शरद मोहोळवर गोळीबार, कोणी केला हल्ला?

पुणेः कुख्यात गँगस्टर शरद मोहोळ याच्यावर गोळीबार झाल्याची घटना शुक्रवारी दुपारी दीड वाजण्याच्या सुमारास कोथरूड येथील सुतारदरा परिसरात घडली. या हल्ल्यात मोहोळ गंभीर जखमी झाला आहे. या घटनेमुळे शहरात खळबळ उडाली आहे.

(Sharad Mohol injured after being shot by 3-4 unidentified persons)

शरद हिरामण मोहोळ (वय ४०, रा. सुतारदरा, कोथरूड, पुणे) Sharad Mohol याच्यावर दुचाकीवर आलेल्या तीन ते चार जणांनी पिस्तुलातून गोळीबार केला. हल्लेखोरांनी झाडलेल्या गोळ्यांपैकी एक गोळी शरद मोहोळला लागल्याची प्राथमिक माहिती आहे. मोहोळला कोथरूड येथील खासगी रूग्णालयात उपचारासाठी दाखल करण्यात आले आहे.

mohol Attacked pune crime news

हल्लेखोरांचा शोध घेण्यासाठी तपास पथके रवाना करण्यात आल्याची माहिती कोथरूड पोलिस ठाण्याचे वरिष्ठ निरीक्षक हेमंत पाटील यांनी दिली. मोहोळ याच्याविरूध्द शहरातील विविध पोलीस ठाण्यांत गंभीर गुन्ह्यांची नोंद आहे.

marathi crime news

कोण आहे गँगस्टर शरद मोहोळ?

शरद मोहोळ हा पुण्यातील एक गुंड आहे. त्याच्यावर गंभीर स्वरुपाचे गुन्हे दाखल आहेत. अपहरण, खंडणी, खूनाचा प्रयत्न आणि खुनासारखे गुन्हे मोहोळच्या विरोधात दाखल आहेत. पिंटू मारणे खून प्रकरणात शरद मोहोळला अटक झाली होती. येरवडा कारागृहामध्ये त्याने सिद्दीकी नामक इसमाचा खून केला होता. मात्र पुराअभावी त्याची मुक्तता झाली होती.
Who is Sharad Mohol?