राज ठाकरेंकडून नूपूर शर्माचं समर्थन; म्हणाले ओवेसी...

मुंबई - राज्यातील नाट्यमय सत्तातरानंतर महाराष्ट्र नवनिर्माण सेनेचे प्रमुख राज ठाकरे यांनी एका मुलाखतीत विविध मुद्द्यांवर चौफेर फटकेबाजी केली. यावेळी त्यांनी शिवसेना पक्षप्रमुख उद्धव ठाकरे यांच्यावर कडाडून टीका केली. तसेच राज यांनी भाजपच्या नूपूर शर्मा यांनी केलेल्या वादग्रस्त वक्तव्याचं समर्थन केलं. (Raj Thackeray news in Marathi)

राज म्हणाले की, मध्यंतरी भाजपच्या प्रवक्त्या नुपूर शर्मा यांनी प्रेषीत मोहम्मद यांच्याविषय़ी काही तरी विधान केलं. त्यानंतर त्यांनी माफी मागितली. वास्तविक पाहता माफी मागण्याची गरज नव्हती. जे काय त्यांनी ऐकलं होतं ते त्या बोलल्या. ओवेसी आपल्या देवदेवतांवर वादग्रस्त टीका करतात. ते कधी माफी मागतात का असा सवाल राज ठाकरे यांनी उपस्थित केला. काही देश देव-देवतांचा अपमान करतात, त्यांनी कधी माफी मागितली का असाही प्रश्न राज ठाकरे यांनी उपस्थित केला आहे.

राज पुढं म्हणाले की, हिंदुत्व की हिंदुत्ववाद यावर प्रश्न विचारला असता राज ठाकरे म्हणाले की, मी हिंदु आहे. माझ्या धर्मावर तुम्ही जाल तर मी हिंदु म्हणून अंगावर येईल. जर तुम्ही मराठी नख लावलं तर मी मराठी म्हणून अंगावर येईल असंही राज ठाकरे यांनी सांगितलं.