Ramdas Kadam : उद्धव ठाकरे या जगातला सर्वात खोटारडा माणूस ; रामदास कदम यांची बोचरी टीका !

Ramdas Kadam : वर्षभरापूर्वी एकनाथ शिंदे यांनी शिवसेनेत बंड केल. पुढे त्यांनी भारतीय जनता पक्षासोबत जाऊन सरकार बनवलं. ते राज्याचे मुख्यमंत्री झाले. तेव्हापासूनच एकनाथ शिंदे यांच्या सोबतचे शिवसेना नेते रामदास कदम हे वेळोवेळी उद्धव ठाकरे यांच्यावर टीकास्त्र सोडताना पाहायला मिळत आहेत.

आज पुन्हा एकदा रामदास कदम यांनी उद्धव ठाकरे यांच्यावर टीकास्त्र सोडले आहे. यावेळी त्यांनी उद्धव ठाकरे यांना खोटारडा देखील म्हटले आहे.

आम्ही खोके घेतले आहेत हे उद्धव ठाकरे यांनी सिद्ध करावे मी राजकारणातुन संन्यास घेईल नाहीतर त्यांनी राजकारणातुन संन्यास घ्याव असा थेट इशारा शिवसेना नेते रामदास कदम यांनी उद्धव ठाकरे यांना दिला आहे.

उद्धव ठाकरेंकडे आम्ही खोके घेतल्याचा कोणताही पुरावा नाही. त्यांच्याकडे कोणताही फोटो किंवा व्हिडिओ नाही. कारण नसताना आमच्यावर खोटे आरोप करत आहेत. आमच्यावर आरोप करणारे उद्धव ठाकरे हा एक नंबरचा खोटारडा माणूस आहे असा आरोपही यावेळी रामदास कदम यांनी केला

उद्धव ठाकरेंकडे कोणताही पुरावा नाही. केवळ आमची बदनामी करण्यासाठी हवेमध्ये आमच्यावर आरोप केले जात आहेत. उद्धव ठाकरे यांच्या इतका खोटारडा माणूस अख्या जगात सापडणार नाही. याचबरोबर मातोश्रीने कितीही मिठाई घेतली तरी त्यांना डायबिटीस होत नाही असे यावेळी रामदास कदम म्हणाले