Ravindra Waikar: "गैरसमजातून गुन्हे दाखल केले," सर्व गुन्हे मागे घेत रवींद्र वायकरांना मुंबई पोलिसांची क्लीन चीट

Mumbai Police: दोन वर्षांपूर्वी शिवसेना फुटल्यानंतर जोगेश्वरीचे तत्कालीन आमदार रवींद्र वायकर यांनी उद्धव ठाकरे यांच्यासोबत राहण्याचा निर्णय घेतला होता.
Ravindra Waikar Mumbai Police Jogeshwari Land Scam
Ravindra Waikar Mumbai Police Jogeshwari Land ScamEsakal

दोन वर्षांपूर्वी शिवसेना फुटल्यानंतर जोगेश्वरीचे तत्कालीन आमदार रवींद्र वायकर यांनी उद्धव ठाकरे यांच्यासोबत राहण्याचा निर्णय घेतला होता. त्यानंतरच्या काळात वायकर यांच्यावर भूखंड घोटाळा प्रकरणी गुन्हा दाखल झाला होता. दरम्यान, मुंबई महापालिकेने हा गुन्हा गैरसमजातून दाखल केल्याचे म्हणत मुंबई पोलिसांनी नुकतेच खासदार म्हणून निवडून आलेल्या रवींद्र वायकर यांच्यावरील सर्व गुन्हे मागे घेतले आहेत.

Ravindra Waikar Mumbai Police Jogeshwari Land Scam
Maharashtra Congress: काँग्रेस धमाका करण्याच्या तयारीत? घेतला शरद पवार, उद्धव ठाकरेंचे टेन्शन वाढवणारा निर्णय

काय आहे प्रकरण?

शिवसेनेचे मुंबई उत्तर पश्चिमचे खासदार रवींद्र वायकर यांनी मुंबई महापालिकेच्या क्रीडांगणासाठी आरक्षित केलेल्या जागेवर पंचतारांकित हॉटेल बांधण्याची परवानगी घेतल्याचा आरोप आहे. हे प्रकरण 500 कोटींच्या फसवणकीशी संबंधी असल्याचे बोलले जात आहे.

या प्रकरणात रवींद्र वायकर यांची पत्नी मनीषा वायकर, व्यावसायिक भागीदार आसू नेहलनाई, राज लालचंदानी आणि प्रथमपाल बिंद्रा आणि आर्किटेक्ट अरुण दुबे यांचा सहभाग आहे. मात्र, वायकर पहिल्यापासून आपल्यावरील सर्व आरोप फेटाळून लावत आहेत. आपल्यावर लावण्यात आलेले आरोप हा राजकीय कटाचा भाग असल्याचे वायकर ते म्हणाले होते.

Ravindra Waikar Mumbai Police Jogeshwari Land Scam
Manoj Jarange: जरांगे यांची अशोक चव्हाण अन् भुमरेंनी घेतली भेट; वाचा 3 तास चाललेल्या बैठकीत काय घडले?

दरम्यान लोकसभा निवडणुकीपूर्वी वायकर यांनी उद्धव ठाकरे यांची साथ सोडत एकनाथ शिंदे यांच्या शिवसेनेत प्रवेश केला होता. त्यानंतर शिंदे यांनी वायकरांनी मुंबई उत्तर पश्चिममधून उमेदवारी दिली होती. या निवडणुकीत वायकर यांनी अमोल किर्तीकर यांच्यावर अवघ्या 48 मतांनी विजय मिळवला होता.

दरम्यान वायकर यांचा हा विजय न्यायालयीन फेऱ्यांमध्ये अडकला असून, मतमोजणीमध्ये गैर प्रकार झाल्याचा आरोप करत उद्धव ठाकरे यांच्या शिवसनेने न्यायालयाचे दरवाजे ठोठावले आहेत.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com