ज्येष्ठ संगीतकार राम लक्ष्मण यांचे निधन

नागपूर : ज्येष्ठ संगीतकार राम लक्ष्मण जोडीतील संगीतकार लक्ष्मण (musician ram laxman) उर्फ विजय पाटील यांचे नागपुरात निधन झाले. गेल्या काही दिवसांपासून ते आजारी होते आणि नागपुरात आपल्या मुलासोबत वासव्यास होते. आज मध्यरात्री 1 वाजता त्यांनी अखेरचा श्वास घेतला असून आज दुपारी त्यांच्या पार्थिवावर अंत्यसंस्कार करण्यात येणार आहेत. (renowned musician ram laxman passes away in nagpur)

राम लक्ष्मण यांचे खरे नाव विजय पाटील होते. त्यांनी जवळपास वयाच्या २० वर्षानंतर घर सोडले आणि थेट मुंबई गाठली. त्यांनी १९७७ मध्ये 'एजंट विनोद' या चित्रपटापासून कामाला सुरुवात केली. त्यांनी राम-लक्ष्मण म्हणून बॉलिवूड इंडस्ट्रीमध्ये आपली छाम उमटवली. राम लक्ष्मण यांच्या नावावर एक दोन नाहीतर तब्बल ९२ चित्रपट आहेत. त्यांनी राजश्री प्रोडक्शनच्या सिनेमांनाही संगीत दिले. त्यांनी 'साँच को आँच नहीं', 'तराना', 'मैने प्यार किंया', 'हम आपके हैं कौन', 'हम साथ साथ हैं' या सिनेमांना त्यांनी संगीत दिले. त्यांना दोन वर्षांपूर्वी यांना लता मंगेशकर पुरस्काराने सन्मानित करण्यात आले होते.