Lok Sabha Election 2024: लोकसभेची जबाबदारी स्वीकारतो म्हणत, शिवसेनेच्या खासदाराची भाजपने उचचली जबाबदारी

विखेंनी घेतली खासदार लोखंडेंची जबाबदारी
Lok Sabha Election 2024
Lok Sabha Election 2024esakal

शिर्डी: खासदार सदाशिव लोखंडे यांनी चिंता करू नये. आजवर जो शिर्डीच्या सहवासात आला, त्याचे कल्याण झाले, अशा शब्दांत महसूलमंत्री राधाकृष्ण विखे पाटील यांनी लोखंडे यांना सबुरीचा सल्ला दिला. तसेच आगामी लोकसभा निवडणुकीत तुमची जबाबदारी स्वीकारत असल्याचा शब्द दिला.

तसेच उपमुख्यमंत्री देवेंद्र फडणवीस यांनी निळवंडे धरणाच्या मुखाजवळील कालव्याचे काम मार्गी लावण्याचे श्रेय विखे पाटील आणि माजी मंत्री मधुकर पिचड यांना दिले. गेल्या काही दिवसांत या कालव्याच्या चाचणीवरून श्रेयवाद सुरू होता. या पार्श्वभूमीवर या दोन दिग्गज नेत्यांची आजची ही विधाने राजकीय वर्तुळात चर्चेचा विषय ठरली.

Lok Sabha Election 2024
Shirdi Sai Temple : शिर्डीच्या साई मंदिराला CISF ची सुरक्षा? शिर्डीकर आक्रमक, बेमूदत बंदचा इशारा

निळवंडे डाव्या कालव्याची चाचणी आज (बुधवारी) मुख्यमंत्री एकनाथ शिंदे आणि उपमुख्यमंत्री फडणवीस यांच्या उपस्थितीत संपन्न झाली. या कार्यक्रमात फडणवीस यांनी निळवंडे कालव्याच्या मुखाजवळील काम मार्गी लावण्याचे श्रेय विखे पाटील आणि पिचडांना दिले.

तसेच लोखंडे यांनीही त्यासाठी सातत्याने पाठपुरावा केल्याचे सांगत त्यांच्या प्रयत्नांची देखील दखल घेतली. फडणवीस म्हणाले की, पहिल्या वीस किलोमीटर अंतरातील कालव्यांची कामे ठप्प होती. विखे पाटील विरोधी पक्षनेते होते.

Lok Sabha Election 2024
Shirdi Saibaba: शिर्डीत केंद्राची सुरक्षा नकोच; ग्रामस्थ आक्रमक फडणवीसांकडे केली मोठी मागणी, वाचा प्रकरण

मी त्यांना पोलिस संरक्षणात ही कामे करणार असल्याचे सांगीतले. त्यावर ते म्हणाले पिचडांना विश्वासात घेऊन आपण हे काम करू शकतो. विखे पाटलांनी पुढाकार घेतला आणि पिचडांनी त्यासाठी मोठे सहकार्य केले.

विखे पाटील म्हणाले की, धरणाच्या मुखाशी कामे बंद आणि आंदोलने मात्र आमच्याकडे व्हायची. पिचडांनी शेतकऱ्यांसोबत संवाद साधला. त्यांच्यामुळेच मुखाजवळील कालव्याचे काम मार्गी लागले. खूप काही बोलता येईल. मात्र आजचा दिवस आनंदाचा, कोण काय बोलतो, याकडे काहींचे लक्ष असते. त्यात रस घेऊ नका.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com