सांगली: रोहित पाटलांची राजकारणात दणक्यात एंट्री, निवडणुकीत बाजी

राज्यातील 93 नगरपंचायतींचा निकाल आज समोर येत आहे. 336 जागांसाठी पार पडलेल्या मतदानानंतर स्थानिक स्वराज्य संस्थांमध्ये कोण बाजी मारणार याकडे सर्वांच लक्ष्य लागलं होतं. अखेर मतमोजणीला सुरुवात झाल्यानंतर कोकण आणि पश्चिम महाराष्ट्रातील निकाल हाती आले आहेत. सांगलीतील निकाल जाहीर झाल्यानंतर काँग्रेसची सरशी झाल्याचं पाहायला मिळतंय. विश्वजीत कदम आणि रोहित पाटील यांची प्रतिष्ठा पणाला लागली होती. (Sangli Nagarpanchayat Election Updates)

सांगलीतील कवठे महंकाळमध्ये आर.आर पाटील यांचे सुपुत्र रोहित पाटील यांनी बाजी मारली आहे. रोहीत पाटील यांनी या नगरपंचायत निवडणुकीत सरशी केली आहे. राष्ट्रवादीने या नगरपंचायतीत एकूण १० जागांवर विजय मिळवला आहे. तर शेतकरी विकास गटाला ३ जागा मिळाल्या आहेत. सुमनताई पाटील यांच्या पायावर शस्त्रक्रिया झाल्याने त्या प्रचारात सहभागी झाल्या नव्हत्या. आता निवडणुकीचे निकाल हाती आल्यानंतर युवा नेत्याचं कौतुक स्थानिक करत आहेत. (Rohit Pawar wins in kavathe mahankal)

'माझा बाप आठवल्याशिवाय राहणार नाही'

निवडणुकीच्या प्रचारादरम्यान रोहित पाटील यांच्यावर प्रचाराची भिस्त होती. वडिलांवरून त्यांच्यावर विरोधकांनी टीकाही केली होती. यावर प्रत्युत्तर देताना रोहित पाटील यांनी माझा बाप तुम्हाला आठवल्याशिवाय राहणार नाही, अशी टिप्पणी केली होती. अखेर रोहित पाटील यांचा विजय झाला आहे.