Shiv Jayanti 2023 : हे खपवून घेतलं जाणार नाही…; शिवनेरीवर संभाजीराजेंनी व्यक्त केली नाराजी

छत्रपती शिवाजी महाराज यांच्या जयंतीनिमित्त शिवनेरीवरी किल्ल्यावर शासकिय कार्यक्रमाचे आयोजन करण्यात आले होते. यासाठी मुख्यमंत्री एकनाथ शिंदे, उपमुख्यमंत्री देवेंद्र फडणवीस देखील या कार्यक्रमाला उपस्थित होते. यादरम्यान व्हिआयपींसाठी शिवभक्तांची अडवणूक करण्यात आल्याचा प्रकर समोर आला. याप्रकरणी छत्रपती संभाजी राजे यांनी जाहीर नाराजी व्यक्त कली.

संभाजीराजेंनी व्हिआयपीसाठी शिवनेरी गडावर शिवप्रेमींना रोखल्यावरून नाराजी व्यक्त केली आहे. जोपर्यंत शिवप्रेमींना प्रवेश दिला जात नाही, तोपर्यंत मीही गडावर जाणार नाही, अशी भूमीका संभाजीराजे यांनी यावेळी व्यक्त केली. शिवनेरीवरील नियोजनाच्या अभावामुळे संभाजीराजे नाराज झाले.

संभाजीराजे यावेळी म्हणाले की, मी छत्रपती शिवाजी महाराज यांचं जन्मस्थळी निघालो होतो. यावेळी मला शिवभक्तांनी अडवलं. त्यांनी मला व्हिआयपी पासेस का? आम्हला का आडवलं जातं? असे प्रश्न विचारले म्हणून मी निर्णय घेतला की आपण शिवभक्तांच्या सोबत थांबायचं. कापण आपण पुढे गेलो तर चेंगराचेंगरी होऊ शकते.शि

शिवभक्तांना शासकिय कार्यक्रमामुळे ताटकळत थांबावे लागले. यावर नाराजी व्यक्त करत संभाजीराजे म्हणाले की, मुख्यमंत्री, उपमुख्यमंत्र्यांना शासकीय कार्यक्रम करावा. त्यामुळे शिवरायांचे नाव जगभरात पोहचलेच पाहीजे. पण दुजाभाव नको. शासकिय कार्यक्रम १० पर्यंत करा. तोपर्यं लोकांना गडावर सोडू नका. पण इथं आणायचं आणि लोकांना दर्शन घेऊ द्यायचं नाही हे चालणार नाही. हे दरवर्षी होत आहे, असेही संभाजीराजे यावेळी म्हणाले. आम्ही किती सहन करायचं. हा दुजाभाव करू नका. सगळ्यांना दर्शन घेण्याचा अधिकार आहे असेही संभाजीराजे म्हणाले.

आपण शिवाजी महाराजांचे पाईक आहोत. शाकिय कार्यक्रम शांतपणे ऐकू. मी तुमच्या सोबत आहे, असा विश्वास त्यांनी जमलेल्या शिवभक्तांना दिला. शासकीय कार्यक्रम झाल्यानंतर आम्हा सर्व शिवभक्तांना शिवरायांचे दर्शन घेण्याची परवानगी हवी आहे. त्यासाठी नियोजन करा. तुमचा कार्यक्रम होईपर्यंत शिवभक्तांना सोडू नका, पण खाजगी पासेस का? असा सवाल त्यांनी यावेळी विचारला.