Sameer Wankhede: 'आर्यन खानचं नाव शेवटच्या वेळी आरोपींच्या यादीत' ; कॉर्डेलिया क्रुझ ड्रग प्रकरणात नवा ट्विस्ट

एनसीबीचे तत्कालीन विभागीय संचालक समीर वानखेडे यांच्या अडचणीत आणखी वाढ होण्याची शक्यता वर्तवण्यात येत आहे. कॉर्डेलिया क्रुझ ड्रग प्रकरणात नवा ट्विस्ट समोर आला आहे. आर्यन खानचं नाव शेवटच्या वेळी आरोपींच्या यादीत टाकलं, असा मोठा दावा चौकशी अधिकाऱ्याने केला आहे. (Sameer Wankhede Cordelia Cruz Drug Case investigating officer claim)

कॉर्डेलिया क्रुझ ड्रग प्रकरणात तपासातील त्रुटींची आणि आरोपांची चौकशी आयपीएस अधिकारी ज्ञानेश्वर सिंह करत होते. यावेळी अनेक गोष्टी समोर आल्या आहेत.

मिळालेल्या माहितीनुसार, या प्रकरणाच्या मूळ केस नोटमध्ये बदल करून आर्यन आणि अरबाझ या दोघांची नावे वाढवणात आली, तर काहींची नावे वगळण्यात आली असा दावा आयपीएस अधिकारी ज्ञानेश्वर सिंह यांनी प्रतिज्ञापत्रात केला आहे.

एनसीबीचा साक्षीदार किरण गोसावी याला संधी दिल्याचा देखील प्रतिज्ञापत्रात उल्लेख आहे. गोसावीवर आर्यन खानला अटक न करण्याच्या बदल्यात २५ कोटी रुपयांची खंडणी मागितल्याचा आणि ५० लाख रुपये स्वीकारल्याचा आरोप करण्यात आला आहे.

एनसीबीच्या मुंबई कार्यालयातील सीसीटीव्ही फूटेजसोबत छेडछाड केलाचा दावा देखील सिंह यांनी केला आहे.

एनसीबी अधिकारी रेड दरम्यान पंचनामा न करताच मौल्यवान वस्तू ताब्यात घेत असल्याचेही या प्रतिज्ञापत्रात नमूद करण्यात आल आहे. चौकशीविरोधात समीर वानखेडे यांनी सेंट्रल अॅडमिनिस्ट्रिव्ह ट्रिब्यूनलकडे दाद मागितली असताना सिंह यांनी हे प्रतिज्ञापत्र दाखल केलं होतं. चौकशीअंती वानखेडे यांच्यासह एकूण पाच जणांवर गुन्हा दाखल करण्यात आला आहे.