राज्याचे अल्पसंख्यांक मंत्री नवाब मलिक यांनी क्रुझ ड्रग पार्टीवर एनसीबीने केलेल्या कारवाईनंतर गंभीर आरोप केले आहेत. त्यावर आता समीर वानखेडेंनी पत्रकार परिषद घेत स्पष्टीकरण दिलंय. माझ्यावर गेल्या पंधरा दिवसांपासून वैयक्तिक आरोप होत आहे, माझ्या वडिल आणि बहिणींवरही आरोप केले जात आहे. हे चूकीचे आहे. जे होतंय त्याची तपासणीही होणार आहे. ज्यांनी आरोप केले आहेत, ते मोठे मंत्री आहे. त्यामुळे त्यांना कदाचित आरोप किंवा टीका करण्याचा अधिकार असेलही, मी एक छोटा अधिकारी आहे. मी माझे काम केले आहे. मी मालदीवला गेलो होतो. पण ते कशासाठी हे कारण आपण समजून घ्यायला हवं असं मला वाटत असल्याचं वानखेडेंनी सांगितलं.
माध्यमांशी बोलताना समीर वानखेडे म्हणाले, दोन मुलांच्या आईवर आरोप लावले जात आहे. माझ्या 70 वर्षांच्या वडिलांवरही आरोप लावले जात आहे. हे सगळं कशासाठी, मी माझ्या ध्येयापासून जराही ढळलेलो नाही. मी माझ्या बहिणीसोबत दुबईला कधीही गेलो नव्हतो. मलिक म्हणाले मी मालदीवला गेलो होतो, ते खरे आहे. पण मी माझ्या कुटूंबियांसमवेत गेलो होतो. आणि सरकारची परवानगी घेऊन गेलो होतो. गेल्या १५ दिवसांपासून माझ्यावर वडिलांवर, बायकोवर टीका केली आहे. ते मोठे मंत्री आहे. मी माझे काम करतो आहे. त्यांना अधिकार आहे. देशसेवा केली आहे. आरोपांचे खंडन केले आहे. मला लक्ष्य केले जात आहे.
मलिक यांनी आज पिंपरी चिंचवडमध्ये झालेल्या एका कार्यक्रमामध्ये समीर वानखेडेंवर सडकून टीका केलीय. त्यांनी एका वर्षाच्या आत वानखेडे यांची नोकरी जाणार असल्याचे सांगितलं आहे. ते आणि त्यांचे कुटूंबिय बोगस आहेत. अशा शब्दांत त्यांनी टीका करताना सध्या आर्यन खानचे जे प्रकरण आहे ते खोटं असल्याचे ही सांगितले होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
