Sanjay Raut : किरीट सोमय्या मराठी द्वेष्टा; राऊतांचा घाणाघात | Sanjay Raut on Kirit Somaiya in Press Conference | Sakal
sakal

बोलून बातमी शोधा

Sanjay Raut and Kirit Somaiya

Sanjay Raut : किरीट सोमय्या मराठी द्वेष्टा; राऊतांचा घाणाघात

मुंबई : भाजपचे ज्येष्ठ नेते किरीट सोमय्या मराठी भाषा द्वेष्टा माणूस असल्याचा घाणाघात शिवसेना खासदार संजय राऊत यांनी केला आहे. सोमय्या हा माणूस मराठी द्वेष्टा असून, सोमय्यांनीच मुंबईतील शाळांमध्ये मराठी सक्ती केल्यानंतर कोर्टाचे दरवाजे ठोठावले होते, असा आरोप राऊत यांनी केला आहे. त्यामुळे हे सर्व कऱण्यापूर्वी सोमय्यांचे तोंड बंद करण्याचे गरजेचे असल्याचे राऊत यांनी स्पष्ट केले. मराठी भाषेचा द्वेष करणाऱ्या सोमय्या सारख्या व्यक्तीकडून आपण अजून काय अपेक्षा करणार असे म्हणत राऊत यांनी सोमय्या यांचा चांगलाच समाचार घेतला. ते मुंबईमध्ये शिवसेना भवनात आयोजित पत्रकार परिषदेत बोलत आहेत.

तत्पूर्वी पत्रकार परिषदेत बोलताना राऊत म्हणाले की, महाराष्ट्रावर ज्या पद्धतीने आक्रमण सुरु आहे त्याविरोधात कुणीतरी रणशिंग फुंकायला हवं होतं ते आम्ही शिवसेनेच्या वास्तुतुन फुंकतोय, असे विधाना शिवसेनेचे नेते संजय राऊत यांनी केले आहे. मराठी माणूस बेईमान नाही आणि तुम्ही कितीही नामर्दानगी करून वार केलेत तरी शिवसेना घाबरणार नाही यासाठी पत्रकार परिषदेचं आयोजन केल्याचे राऊत यांनी यावेळी सांगितले. (Sanjay Raut Allegations on Kirit Somaiya in Press Conference)

राऊत म्हणाले की, बाळासाहेबांनी मंत्र दिला होता तो आयुष्यभरासाठी असून, तु काही पाप केलं नसेल, गुन्हा केले नसेल तर, तुमचं मन साफ आहे कुणाच्या बापाला घाबरू नका असे ते नेहमी म्हणायचे असे राऊत यांनी यावेळी सांगितले. पक्षप्रमुख उद्धव ठाकरेसुद्धा याच पद्धतीने पक्षाला पुढे घेऊन जातायेत असे राऊत यांनी यावेळी स्पष्ट केले.

Web Title: Sanjay Raut Corner Kirit Somaiya In Press Confarance

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top